Le Malo—100 Tausaga ma Sili Atu

E tatau i ē e fia avea ma tagatānuu o le Malo o le Atua, ona aʻoaʻoina mea uma i le tele e mafai ai e faatatau i lenā Malo, ma mea ua uma ona faataunuu e le Malo. Aiseā? E lē gata e faamalosia ai lo latou faatuatua ua pule nei le Malo o le Atua, ae e faagaeetia ai foʻi o latou loto ina ia taʻu atu le tala lelei o le Malo o le Atua i isi. (Sl 45:1; 49:3) A o e maimoa i le vitiō Le Malo—100 Tausaga ma Sili Atu, ia tali fesili o loo mulimuli mai:

1. Aiseā na avea ai le “Photo-Drama of Creation” o se faamanuiaga mo ē na maimoa ai?

2. Na faapefea ona faaaogā leitiō e faaoo atu ai i tagata le tala lelei?

3. O ā isi metotia na faaaogā e talaʻi atu ai le tala lelei, ma o ā ni iʻuga lelei?

4. Ua faapefea ona faaleleia toleniga mo le faiva a o faagasolo mai tausaga?

5. O ā toleniga aogā na saunia mo ē na auai i le Aʻoga mo Kiliata?

6. Ua faapefea ona aʻoaʻoina tagata o Ieova e ala i tauaofiaga?

7. E faapefea ona e faamaonia o loo pule nei le Malo o le Atua?

8. E faapefea ona faaalia o loo tatou lagolagoina le Malo o le Atua?