AUALA E OLA AI O SE KERISIANO
Talavou—Aua le Faatuai i le Ulu Atu i le “Faitotoʻa Lautele”
E faigofie ona manatu e lē mavae atu aso o le talavou, ma e lē oo mai “aso e malaia ai” lea e aofia ai le soifua matua i le lalolagi a Satani. (Fai 12:1) Afai o oe o se talavou, pe e mafai ona e manatu faapea, o loo iā te oe le tele o le taimi e tuliloa ai sini faaleagaga e pei o le auaunaga faataimi atoa?
ʻE tutupu faafuaseʻi mea i le taimi e leʻi faatalitalia’ i tagata uma, e aofia ai ma talavou. (Fai 9:11) “E tou te lē iloa le mea o le a tupu iā te outou a taeao.” (Ia 4:14) O lea, aua le tolopōina le tuliloa o sini faaleagaga e aunoa ma ni māfuaaga tatau. Ia ulu atu i le “faitotoʻa lautele e fai ai le galuega” a o tatala mai pea iā te oe. (1Ko 16:9) O le a e lē faanoanoa ai.
Nisi o sini faaleagaga e mafai ona ausia:
Talaʻi i se isi gagana
Auaunaga paeonia
Auai i aʻoga a le faalapotopotoga
Auaunaga i faugāfale
Auaunaga i Peteli
Ovasia Matagaluega