Faatoʻilalo e Aʻoaʻoga a le Atua le Faailogatagata

E lē faailogatagata Ieova. (Ga 10:34, 35) E na te talia tagata “mai i atunuu uma, ma ituaiga, ma nuu, ma gagana.” (Fal 7:9) O lea, e lē tatau ona iai se uiga faailogatagata ma faaituʻau i totonu o le faapotopotoga Kerisiano. (Ia 2:1-4) O le mea lea e tatou te lotofaafetai ai i aʻoaʻoga mai iā Ieova, ua tatou maua ai se parataiso faaleagaga, lea ua vaaia ai tagata ua suia o latou uiga. (Isa 11:6-9) E tatou te faaaʻoaʻo i le Atua, pe afai e tatou te finafinau e liaʻi ese so o se uiga faailogatagata mai i o tatou loto.​—Efe 5:1, 2.

MATAMATA LE VITIŌ JOHNY MA GIDEON: SA FEITAGAʻI AE UA FEALOFANI ONA TALI LEA O FESILI NEI:

• Aiseā e sili ai aʻoaʻoga mai i le Atua, nai lo o taumafaiga a tagata ina ia aveesea le faailogatagata ma le faaituʻau?

• O le ā e sili ona e maofa ai e uiga i lo tatou ʻauuso i le lalolagi aoao?

• E faapefea ona faamamaluina Ieova pe a faatumauina lo tatou autasi o ni Kerisiano?