Fesoasoani i Lou Aiga ia Manatua Ieova

Na faatonuina Ieremia e lapataʻia Iuta e faatatau i se faaumatiaga na faaloloʻi ane, ona ua latou faagaloina Ieova le Atua. (Ie 13:25) Na faapefea ona oo le nuu i lenā tulaga leaga faaleagaga? Sa leaga le tulaga faaleagaga o aiga Isaraelu. Na mautinoa le lē mulimuli o aiga o Isaraelu, i le faatonuga a Ieova o loo i le Teuteronome 6:5-7.

O aiga e malolosi faaleagaga e saosaolaumea i le malolosi o faapotopotoga i aso nei. E mafai ona fesoasoani ulu o aiga i o latou aiga ia manatua Ieova, e ala i le faia e lē aunoa o Tapuaʻiga a le Aiga ma faamautinoa e maua ai aogā. (Sl 22:27) Pe a māeʻa ona matamata le vitiō ʻIa Teu i Lou Loto Upu Neiʻ​—Faatalanoaga ma Aiga, ona taliina lea o fesili nei:

• Ua faapefea ona fesagaʻia ma le manuia e nisi aiga luʻi masani o le faia o tapuaʻiga a le aiga?

• O ā ni taui o le faia e lē aunoa o le tapuaʻiga a le aiga ma faamautinoa e maua ai aogā?

• Pe a faia tapuaʻiga a le aiga, o ā luʻi o oʻu fesagaʻia ma o ā auala o loo oʻu fuafua e taulima ai?