ʻAlofia Mea E te Tausuai pe Tausuai ai Isi

Na faaaogā e Iesu talafaatusa ina ia aʻoaʻo mai ai le matuiā o lo tatou tausuai po o le faia o se mea e tausuai ai se isi.

18:6, 7

• O se “mea e tausuai ai” e faasino atu i se gaoioiga po o se tulaga e taʻitaʻia atu ai se tasi i se ala lē lelei, faia o amioga leaga, ma lolo atu i le agasala

• O se tasi e faia se mea e tausuai ai se isi, e sili ai pe a nonoa se maa olo i lona ua ma lafo o ia i le sami

18:8, 9

• Na faatonu e Iesu ona soo ina ia aveesea so o se mea e latou te tausuai ai, e oo lava i se mea e matuā tāua e pei o le lima po o le mata

• E sili atu ona lafoaʻia lenā mea tautele ma ulu atu i le Malo o le Atua, nai lo o le faapelepele i ai ma iʻu atu i Kena, lea e faasino atu i le faaumatiaga e faavavau

O le ā se mea i loʻu olaga e mafai ona avea o se mea e tausuai ai, ma e faapefea ona ou faamautinoa ou te lē tausuai ai pe tausuai ai foʻi isi?