Faaleleia o o Tatou Tomai i le Faiva​—Aʻoaʻo a Tatou Tagata Suʻesuʻe e Sauniuni

MĀFUAAGA E TĀUA AI: Pe a sauniuni lelei tagata suʻesuʻe, o le a faigofie ai mo i latou ona malamalama ma manatua mea e tatou te aʻoaʻoina ai i latou. O le tele e latou te malamalama ma manatua ai mea, o le vave foʻi lenā o lo latou agaʻigaʻi i luma. E tusa pe ua uma ona latou papatiso, ae e manaʻomia pea ona sauniuni mo sauniga ma le faiva ina ʻia faaauau ai ona latou mataala.’ (Mat 25:13) O lea, o le iloa o le auala e suʻesuʻe ai ma iai se faasologa lelei o le sauniuni mo suʻesuʻega, e mafai ona maua ai aogā tumau. E tatau ona tatou fesoasoani i a tatou tagata suʻesuʻe ina ia atiaʻe se masaniga o le sauniuni lelei, i le taimi faatoʻā amata ai a latou suʻesuʻega faale-Tusi Paia.

LE AUALA E FAI AI:

• 

  Ia avea ma faaaʻoaʻoga lelei. (Ro 2:21) Ia mafaufau i lau tagata suʻesuʻe i taimi uma e te sauniuni ai mo suʻesuʻega taʻitasi. (km 6/09 2) Ia iloa mai e le tagata na suʻesuʻe lau lomiga

• 

  Faalaeiau o ia e sauniuni. O le taimi lava e mautū ai le suʻesuʻega, ia faailoa i lau tagata suʻesuʻe o le sauniuni lelei o se vala o le faatulagaga mo suʻesuʻega faale-Tusi Paia, ma ia faamatala i ai aogā. Faailoa i ai fautuaga i le auala e maua ai le taimi e sauniuni ai mo le suʻesuʻega. O nisi faiaʻoga e latou te tuuina i a latou tagata suʻesuʻe a latou tusi ua uma ona suʻesuʻe i le taimi o le suʻesuʻega, ina ia mafai ona ia iloa le tāua o le faia faapea. Faamālō atu iā te ia i taimi e sauniuni lelei ai

• Faasino i ai le auala e sauniuni ai. Pe a faatoʻā faavae se suʻesuʻega, o nisi faiaʻoga e latou te faaaogāina le taimi atoa lea e tatau ona faia ai le suʻesuʻega, e faasino ai i le tagata suʻesuʻe le auala e sauniuni ai mo se lesona