ʻOA TAUTELE MAI I LE AFIOGA A LE ATUA | LUKA 8-9
Mulimuli Mai iā te Aʻu—O le ā e Aofia Ai?
Ina ia suaina le eleele i ni laina sasaʻo, sa lē tatau i le tagata na suatia le eleele ona tosina i mea o loo i ona tua. I se tulaga tali tutusa, e lē tatau i se Kerisiano ona tosina ese i mea ua uma ona ia lafoaʻia i le lalolagi.—Fil 3:13.
Pe a feagai ma faigatā, e faigofie ona tatou toe moomoo ʻi aso lelei ua mavae,’ atonu i le taimi ae tatou te leʻi maua le upu moni. Pe a tupu lenā mea, e masani ona tatou mafaufau sa sili atu lo tatou fiafia i lenā taimi, ma e leʻi tele ni faafitauli. O le mea lenā sa faia e tagata Isaraelu ina ua latou tuua Aikupito. (Nu 11:5, 6) O le mafaufau pea faapena, e ono faaosoosoina ai i tatou e toe foʻi i le olaga tuai sa iai. Maʻeu le talafeagai o le mafaufau i o tatou faamanuiaga i le taimi nei, ma taulaʻi i le olioli o le a maua i le lumanaʻi i le Malo!—2Ko 4:16-18.