ʻOA TAUTELE MAI I LE AFIOGA A LE ATUA | KALATIA 4-6
“Se Tala Faafaatusa” ma Lona Uiga mo i Tatou
Na faaaogā e le aposetolo o Paulo le “tala faafaatusa” lenei e faataʻitaʻi ai le sili atu o le feagaiga fou nai lo le feagaiga o le Tulafono. E ala i le taʻitaʻiga alofa a Keriso ma ē o le a suli faatasi ma ia i le Malo i le lagi, o le a maua ai e tagata uma le faamoemoe o le saʻoloto mai i le agasala, le lē lelei atoatoa, mafatiaga, ma le oti.—Isa 25:8, 9.
AKARA—LE FAFINE POLOGA Isaraelu faaletino lea na ola e tusa ai ma le feagaiga o le Tulafono, ma o lona laumua Ierusalema |
SARA—LE FAFINE SAʻOLOTO Ierusalema i lugā, le vaega faalelagi o le faalapotopotoga a le Atua |
“FANAU” A AKARA O tagata Iutaia (lea na noatia iā Ieova e ala i le feagaiga o le Tulafono) na sauāina ma teena Iesu |
“FANAU” A SARA O Keriso ma le 144,000 o Kerisiano ua faauuina i le agaga paia |
FAAPOLOGAINA I LE FEAGAIGA O LE TULAFONO Sa faamanatu atu e le Tulafono i tagata Isaraelu o i latou o pologa i le agasala |
FEAGAIGA FOU UA MAUA AI LE SAʻOLOTOGA O le faatuatua i le tāua o le taulaga a Keriso e mafai ai ona saʻoloto tagata mai i le taʻusalaina e le Tulafono |