Ia Maua Aogā Mai i Suʻesuʻega a le Tagata Lava Ia

MĀFUAAGA E TĀUA AI: O suʻesuʻega a le tagata lava ia i Afioga a le Atua e fesoasoani e malamalama lelei ai “i le lautele, ma le umi, ma le maualuga ma le loloto” o le upu moni. (Efe 3:18) E fesoasoani foʻi ina ia tatou “taofimau i le upu o le ola,” ma tumau ai ona lē ponā ma lē taʻuleagaina a o ola ai i lenei lalolagi amioleaga. (Fil 2:15, 16) O suʻesuʻega a le tagata lava ia i le Afioga a le Atua, e mafai ona ia filifilia ai mataupu patino e aogā iā te ia lava. O le ā la e tatau ona e faia ina ia e maua ai le tele o aogā mai i le faitauina ma le suʻesuʻeina o le Tusi Paia?

LE AUALA E FAI AI:

• Ia faailoga mau ma fai ni faamaumauga i lau Tusi Paia, e tusa pe e faaaogā le lomiga o le Tusi Paia po o se masini faaonapōnei

• A o e faitauina le Afioga a le Atua, ia fesili ifo i fesili nei: ʻO ai? O le ā? O anafea? I fea? Aiseā? E faapefea?’

• Ia maua faamatalaga moni. Faaaogā meafaigaluega mo saʻiliʻiliga o loo e mauaina, e saʻiliʻili ai e faatatau i se mataupu po o se mau o le Tusi Paia

• Ia manatunatu loloto i mea o loo e faitauina, ina ia iloa ai le auala e faatatau ai

• Ia faatatau mea ua e aʻoaʻoina i lou olaga i aso taʻitasi.​—Lu 6:47, 48

MAIMOA I LE VITIŌ IA FAAAUAU ONA “TAOFIMAU”​—E ALA I SUʻESUʻEGA UIGĀ A LE TAGATA LAVA IA, ONA TALI LEA O FESILI NEI:

• O le ā le auala ua faamatala ai e isi suʻesuʻega a le tagata lava ia?

• Aiseā e tatau ai ona tatalo a o leʻi amata suʻesuʻega a le tagata lava ia?

• O le ā e fesoasoani iā i tatou ina ia malamalama atili ai i se mau o le Tusi Paia?

• O ā faailoga e ono mafai ona faaaogā i a tatou Tusi Paia mo suʻesuʻega?

• Aiseā e tāua ai le manatunatu loloto a o suʻesuʻeina le Afioga a le Atua?

• O le ā e tatau ona faia i mea ua tatou aʻoaʻoina?