“Sa Tautatala le Lalolagi Uma i le Gagana e Tasi”

11:1-4, 6-9

Na faataapeapeina e Ieova tagata lē usiusitaʻi i Papelu e ala i le faafenuminumiaʻi o la latou gagana. I aso nei, o loo aoaoina e Ieova se motu o tagata e toʻatele mai i atunuu ma gagana uma, ma tuuina atu iā i latou “le gagana mamā” ina ia latou “valaau uma lava i le suafa o Ieova, ma latou auauna soosootauʻau ai iā te ia.” (Se 3:9; Fal 7:9) O lenei “gagana mamā,” o le upu moni o loo i le Tusi Paia e faatatau iā Ieova ma lona finagalo.

O le aʻoaʻoina o se gagana fou e sili atu nai lo le tau ina taulotoina o upu fou. E aofia ai le aʻoaʻoina o se auala fou e mafaufau ai. I se tulaga talitutusa, o le aʻoaʻoina o le gagana mamā o le upu moni, e manaʻomia ai ona suia o tatou mafaufau. (Ro 12:2) E fesoasoani lenei auala i le autasi o tagata o le Atua.​—1Ko 1:10.