Faaleleia o o Tatou Tomai i le Faiva​—Molimau e Ala i se Mea Puʻe Ata po o se Masini e Talanoa Ai

MĀFUAAGA E TĀUA AI: O le televave o faiga faatekinolosi ma le faatupulaʻia o solitulafono, ua tele ai ina faaaogā e tagata masini e talanoa ai ma mea puʻe ata mo lo latou puipuiga. Atonu e tatou te popole e faasoa atu le tala lelei i se tasi e lē mafai ona tatou vāai atu i ai, ae o loo iloa mai i tatou. O le a fesoasoani faamanatu nei iā i tatou ina ia talaʻi atu ma le toʻa, e ala i se mea puʻe ata po o se masini e talanoa ai.

LE AUALA E FAI AI:

• Ia vaai i le itu lelei. O le toʻatele o tagata e iai i o latou fale ni mea puʻe ata po o se masini e talanoa ai, e fiafia e talanoa mai iā i tatou

• Ia manatua, o nisi mea puʻe ata ua faapolokalame e puʻe lou ata a o e leʻi tuʻituʻi i le faitotoʻa, ma atonu e iloa ma lagona mai oe e le tagata pe a e latalata atu i le faitotoʻa

• Pe a tali mai le tagata o le fale, ia talanoa i le masini po o le mea puʻe ata e pei lava o loo lua talanoa faafesagaʻi. Ia ʻataʻata ma fai taga masani. Ia fai atu lau taulimaga na e sauni e fai atu, pe ana faapea e sau le tagata i le faitotoʻa. Aua neʻi latalata tele ou foliga i le mea puʻe ata. Pe afai e lē tali mai se isi, aua neʻi e tuuina se feʻau i le masini

• Pe a uma le talanoaga, ia manatua, atonu o loo mataʻi po o loo faalogologo mai pea le tagata iā te oe