O lē fea laasaga o le papatisoga ua e ausia?
AUALA E OLA AI O SE KERISIANO
Ia Filifili e Auauna iā Ieova
Pe afai o oe o se talavou Kerisiano po o se tagata aʻoga o le Tusi Paia, po o iai sou sini e papatiso? Aiseā e tatau ai ona e papatiso? O le tuuina atu ma le papatisoga e maua ai se faiā faapitoa ma Ieova. (Sl 91:1) E faasaoina ai foʻi i tatou. (1Pe 3:21) E faapefea ona e ausia nei laasaga?
Ia faamaonia e oe lava o le upu moni lenei. Ia fai ni au lava saʻiliʻiliga, e tali ai ni fesili e te tuufesili ai. (Ro 12:2) Iloilo ni suiga e manaʻomia ona e faia, ma ia faamautinoa o loo e faia nei suiga ona o lou faanaunauga ia faafiafia Ieova. (Fat 27:11; Efe 4:23, 24) Ia tatalo atu e lē aunoa iā te ia mo le fesoasoani, ma ia e mautinoa o le a faamalosia ma lagolagoina oe e Ieova e ala i lona agaga paia. (1Pe 5:10, 11) E tauia au taumafaiga uma. O le auauna iā Ieova, o le auala sili lea e ola ai!—Sl 16:11.
MAIMOA I LE VITIŌ LAASAGA E AGAVAA AI MO LE PAPATISOGA, ONA TALI LEA O FESILI NEI:
O ā luʻi na manumalo mai ai nisi ina ia papatiso?
E faapefea ona e atiaʻe le faatuatua lea e manaʻomia ina ia tuuina atu ai lou ola iā Ieova?
O le ā na uunaʻia nisi e uia laasaga mo le papatisoga?
O ā faamanuiaga e maua e i latou e filifili e auauna iā Ieova?
O le ā le uiga o le tuuina atu ma le papatisoga?