Aʻoaʻiga​—O se Faailoaga o le Alofa o Ieova

O aʻoaʻiga e faasino atu i faatonuga ma aʻoaʻoga, ae e aofia ai foʻi faasaʻoga ma ni faasalaga. E aʻoaʻia e Ieova i tatou ina ia mafai ona tatou tapuaʻi atu iā te ia, i le auala e na te finagalo malie i ai. (Ro 12:1; Epe 12:10, 11) E faigatā ona talia i nisi taimi se aʻoaʻiga, ae e taʻitaʻia atu ai i tatou i le amiotonu ma faamanuiaga. (Fat 10:7) O le ā le mea e tatau ona manatua e i latou o loo avatuina le aʻoaʻiga ma i latou e mauaina?

Lē e avatuina. O loo taumafai malosi toeaina, mātua ma isi ina ia avatu aʻoaʻiga i se auala agalelei ma alofa, e pei ona faia e Ieova. (Ie 46:28) E oo lava i aʻoaʻiga malolosi, e tatau ona faia i se auala e fetaui lelei ma le tulaga o loo tupu, ma ia uunaʻia e le alofa.​—Tit 1:13.

Lē e mauaina. E tusa lava po o le ā le ituaiga aʻoaʻiga e tatou te maua, e tatau ona tatou taumafai e vave faatatauina nai lo o le teena. (Fat 3:11, 12) Tatou te manaʻomia uma aʻoaʻiga ona tatou te lē lelei atoatoa, ma e eseese auala e aumaia ai. Atonu e auala mai i se mau na tatou faitau ai i le Tusi Paia, po o se manatu na tatou faalogo ai i le sauniga. O nisi taimi e ono manaʻomia e se tasi se aʻoaʻiga mai i se komiti faafaamasinoga. Pe a tatou talia ma faatatauina aʻoaʻiga, o le a tatou maua se olaga sili ona lelei ma tatou ola ai e faavavau.​—Fat 10:17.

MAIMOA I LE VITIŌ “E AʻOAʻIA E IEOVA O LĒ E ALOFA I AI,” ONA TALI LEA O FESILI NEI:

• 

  O le ā le ituaiga olaga na ola aʻe ai Canon, ma na faapefea ona suia lona olaga?

• 

  O le ā le aʻoaʻiga alofa na ia maua mai iā Ieova?

• 

  O ā lesona e tatou te aʻoaʻoina mai i lenei tala?