Ia Faaalia le Alofa i le Aiga

O le alofa e tai pei o le kelū e faapipii ai sui uma o le aiga. Pe a leai se alofa, o le a faigatā ona iai le autasi i se aiga ma lē lelei ai fesootaʻiga. E faapefea i tane, avā ma mātua ona faaalia le alofa i totonu o le aiga?

O se tane alofa, e manatu mamafa i manaʻoga o lana avā, o ona manatu ma faalogona. (Efe 5:28, 29) E na te tausia le itu faaletino ma le itu faaleagaga o lona aiga, e aofia ai le faia e lē aunoa o le Tapuaʻiga a le Aiga. (1Ti 5:8) O se avā alofa, e gauaʻi i lana tane ma faaalia le “matuā faaaloalo” iā te ia. (Efe 5:22, 33; 1Pe 3:1-6) E tatau i le tane ma le avā ona lotomalilie e faamagalo e le tasi le isi. (Efe 4:32) E faaalia e mātua alolofa le naunau moni i sui taʻitasi o le fanau ma aʻoaʻo i latou ia alolofa iā Ieova. (Te 6:6, 7; Efe 6:4) O ā luʻi o loo feagai ma a latou fanau i le aʻoga? E faapefea ona latou feagai ma omiga mai i aumea? Pe a faaalia le alofa i totonu o le aiga, o le a maua e sui taʻitasi o le aiga le saogalemu ma le malupuipuia.

MAIMOA I LE VITIŌ IA FAAALIA LE ALOFA E LĒ UMA I LE AIGA, ONA TALI LEA O FESILI NEI:

• 

  E faapefea i se tane alofa ona tausi ma faapelepele i lana avā?

• 

  E faapefea i se avā alofa ona faaalia le matuā faaaloalo i lana tane?

• 

  E faapefea i mātua alolofa ona aʻoaʻo soo a latou fanau i le Afioga a le Atua?