Talia le Fesoasoani Mai o Tatou Uso

Ua saunia e Ieova le “ʻauuso atoa” po o tatou uso ma tuafāfine, e fesoasoani iā i tatou. (1Pe 5:9) E fesoasoani mai lenei ʻauuso ina ia tatou manumalo mai i luʻi e fesagaʻia i le talaʻiga. Mo se faataʻitaʻiga, na maua e le aposetolo o Paulo aogā mai le fesoasoani a Akula ma Pisila, Sila, Timoteo ma isi.​—Ga 18:1-5.

E faapefea ona fesoasoani mai o tatou uso i le talaʻiga? E latou te aumaia fautuaga aogā i le auala e taulima ai teteega, faia ai toe asiga, po o le auala e ofo atu ai ma faia se suʻesuʻega faale Tusi Paia. Ia mafaufau i se tasi i lau faapotopotoga e mafai ona fesoasoani iā te oe, ma fesili atu i ai. E mautinoa o le a lua maua uma ai aogā ma le olioli.​—Fil 1:25.

MAIMOA I LE VITIŌ IA TOFO I LE OLIOLI O LE FAIA O ISI MA SOO​—TALIA LE FESOASOANI A IEOVA​—O TATOU USO, ONA TALI LEA O FESILI NEI:

• 

  Na faapefea ona faalaeiau e Neta Rosa e auai i sauniga?

• 

  Aiseā e tatau ai ona valaaulia se isi tagata talaʻi e te lua ō i sau suʻesuʻega faale Tusia Paia?

• 

  O le ā se mea na fiafia uma i ai Rosa ma Kaila?

• O ā tomai mo le talaʻiga e mafai ona e aʻoaʻoina mai o tatou uso?