Lesona Mai i le Olaga o Samuelu

Na tumau faamaoni Samuelu iā Ieova i lona olaga atoa. A o tamaitiiti, na ia musu e faia mea leaga e pei o atalii o Eli, o Hofeni ma Fineaso. (1Sa 2:22-26) Ua tupu pea Samuelu, ma sa faatasi Ieova ma ia. (1Sa 3:19) Ina ua toeaina o ia, na ia auauna pea ma le faamaoni iā Ieova, e ui e leʻi faia faapea e ona atalii.—1Sa 8:1-5.

O le ā tatou te aʻoaʻoina mai i le faaaʻoaʻoga a Samuelu? Pe afai o oe o se talavou, ia mautinoa e malamalama Ieova i luʻi o loo e fesagaʻia ma ou faalogona. E mafai ona ia fesoasoani iā te oe ia maua le lototele. (Isa 41:10, 13) Pe afai o oe o se matua e lē o auauna lau tama iā Ieova, e faamāfanafanaina oe i le iloaina, e leʻi faamalosia e Samuelu ona atalii e tumau faamaoni iā Ieova. O lona tuuina atu o le mataupu iā Ieova, na faatumauina ai lona lava faamaoni ma faafiafiaina ai lona Tamā i le lagi o Ieova. Atonu o lau faataʻitaʻiga lelei foʻi, o le a uunaʻia ai lau tama e toe foʻi mai iā Ieova.

MAIMOA I LE VITIŌ AʻOAʻOINA MAI IĀ I LATOU—SAMUELU, ONA TALI LEA O FESILI NEI:

• 

  Na faapefea ona faaalia e Samuelu le lototele a o talavou?

• 

  Na faapefea ona faaalia e Danny le lototele?

• 

  Na faapefea ona faataatia e Samuelu se faaaʻoaʻoga lelei ina ua toeaina?

• 

  Na faapefea ona faataatia e mātua o Danny se faaaʻoaʻoga lelei?