O ai Au Uō i Luga o le Initaneti?

Ua faamatalaina le upu uō, o se “tasi e pipii atu i se isi ona o le alofa po o le faatāuaina.” Mo se faataʻitaʻiga, na amata le faauōga māfana a Ionatana ma Tavita ina ua fasiotia e Tavita Koliata. (1Sa 18:1) Na la faaalia uiga lea e pele ai le tasi i le isi. O lea la, o faauōga malosi e faavae mai i le poto saʻo. E manaʻomia le taimi ma taumafaiga ina ia iloa ai e le tasi le isi. Peitaʻi i le initaneti, e matuā faigofie ona maua ai ni uō. Talu ai e mafai ona mafaufau muamua se tasi i ana faamatalaga e fai ma pulea ana gaoioiga ina ia taʻuleleia ai i le vaaiga a isi, o le a faigofie la ona ia natia le ituaiga tagata e iai moni o ia. O lea, e tāua le filifili ma le faaeteete po o ā ituaiga tagata e te faauō i ai i le initaneti. Aua e te popole ina neʻi tigā faalogona o se tasi e te lē masani lelei i ai, pe a e lē talia lana talosaga e te lua uō i le initaneti. Ona o lamatiaga e ono iʻu i ai, ua filifili ai nisi e lē faaaogāina tuatusi e fesootaʻi ai i le initaneti. Peitaʻi, pe a e filifili e faaaogā tuatusi i le initaneti e fesootaʻi ai, o ā mea e ao ona e manatua?

MAIMOA I LE VITIŌ IA FAAAOGĀ MA LE ATAMAI TUATUSI E FESOOTAʻI AI I LE INITANETI, ONA TALI LEA O FESILI NEI:

• 

  O ā mea e ao ona e iloiloina a o leʻi tuu i luga o le initaneti ni faamatalaga ma ata?

• 

  Aiseā e tatau ai ona filifili ma le faaeteete au uō i le initaneti?

• 

  Aiseā e tatau ai ona faatulaga lelei le taimi e faaalu e fesootaʻi ai i le initaneti?—Efe 5:15, 16