Ia Pulea Ou Faanaunauga

Talu ai ona o le tulaga lē lelei atoatoa, e tatou te taumafai ai pea e pulea o tatou faanaunauga. Pe a tatou faia mea e tatou te mananaʻo ai, o le a tatou lē maua ai le finagalo malie o Ieova. Mo se faataʻitaʻiga, o nisi ua sili atu lo latou fiafia i meaʻai, lavalava ma fale, nai lo o le alolofa i le Atua. O isi ua faamalieina o latou tuʻinanauga tau feusuaʻiga i se auala e lē ōgatusa ma tapulaa a le Atua. (Ro 1:26, 27) Peitaʻi, ua feagai nisi ma omiga ona o le mananaʻo e talia ma fiafia mai isi iā i latou.—Eso 23:2.

E faapefea ona tatou pulea o tatou faanaunauga? E tatau ona fai le mea e mafai ina ia uaʻi atu ai i mea faaleagaga. (Mat 4:4) E lē gata i lea, ia ōle atu iā Ieova mo le fesoasoani e pulea ai o tatou faanaunauga. Aiseā? Ona e na te silafia le mea e sili mo i tatou, ma le auala e faamalie ai o tatou faanaunauga.—Sl 145:16.

MAIMOA I LE VITIŌ AUA NEʻI PULEA E LE ULAULA TAPAA LOU OLAGA, ONA TALI LEA O FESILI NEI:

• 

  Aiseā e ulaula tapaa ai isi?

• 

  O ā aafiaga o le ulaula tapaa?

• 

  Aiseā e sesē ai le ulaula tapaa ma sikareti e alu i le uila?—2Ko 7:1

• 

  E faapefea ona e ʻalofia le ulaula tapaa pe taofia lenā masaniga?