ʻOA TAUTELE MAI I LE AFIOGA A LE ATUA

Ia Filifili ma le Atamai Lau Paaga Faaipoipo

Na faia e Solomona se filifiliga lē atamai, i le faaipoipo atu i fafine na tapuaʻi i atua sesē (1Tu 11:1, 2; w18.07 18 ¶7)

Na faasolosolo ona faaliliuina e avā a Solomona lona loto mai iā Ieova (1Tu 11:3-6; w19.01 15 ¶6)

Na toʻatamaʻi Ieova iā Solomona (1Tu 11:9, 10; w18.07 19 ¶9)

Tuufaatasiga o ata: O se tuafafine nofofua o loo faia ana lava suʻesuʻega ma mafaufau i se uso nofofua. 1. O loo faia se tali a le uso i le sauniga. 2. O loo faia sona sao i talaʻiga i nofoaga faitele. 3. E na te fesoasoani i galuega faaleleia i le Maota mo Sauniga.

O loo fautua mai le Afioga a le Atua i Kerisiano nofofua, ina ia faaipoipo “tau lava o lē ua i le Alii.” (1Ko 7:39) Peitaʻi, e lē faapea a papatiso se tasi ona manatu ai lea o se paaga ua talafeagai mo oe. Po o le a fesoasoani lenei tagata iā te oe e faaauau ona e auauna iā Ieova ma le lotoatoa? Po ua faaalia e lenā tagata le alofa loloto mo Ieova? A o leʻi filifili e faaipoipo, ia faaalu se taimi e iloa lelei ai lē ua e filifili e te faaipoipo i ai.