Faaipoipoga—O se Faatasiga mo le Olaga Atoa

E faamamaluina Ieova i faaipoipoga taulau manuia a Kerisiano, ma e maua ai e le tane ma le avā le olioli. (Mar 10:9) Ina ia maua se faaipoipoga tumau ma fiafia, e tatau i Kerisiano ona iloilo mataupu silisili o le Tusi Paia, pe a filifilia se paaga faaipoipo.

Ia faatali seʻi ʻteʻa le malaulau o le talavou’ ona faia lea o se tuugātala. O le taimi o le malaulau o le talavou e malolosi ai faalogona tau feusuaʻiga, ma e ono faia ai se filifiliga lē atamai. (1Ko 7:36) Ia faaaogā ma le atamai le taimi a o e nofofua, e faamalosia ai le lua faauōga ma Ieova ma atiaʻe ai uiga faa-Kerisiano. Pe a e faia faapea, o le a e saosaolaumea ai i le taulau manuia o lau faaipoipoga.

A o leʻi filifili e faaipoipo i se tasi, ia e faaalu le tele o le taimi e iloa lelei ai le “tagata lilo i totonu.” (1Pe 3:4) Pe a tulaʻi mai ni tulaga e te lagona ai le lē mautinoa i le lua faigāuō, ia oulua iloilo faatasi le mataupu. I le pei o isi faiā faaletagata, e faapena foʻi le faaipoipoga. Ia uaʻi atu i mea e mafai ona e faia mo le lelei o le lua faaipoipoga, nai lo o mea e te faatalitalia mai i lau paaga. (Fil 2:3, 4) Pe a e faatatauina mataupu silisili o le Tusi Paia a o leʻi faaipoipo, ua e faataatia la se faavae lelei i le mauaina o se faaipoipoga fiafia.

MAIMOA I LE VITIŌ SAUNIUNI MO SE FAAIPOIPOGA—VAEGA 3: “FAITAU TUPE O LE A FAAALU,” ONA TALI LEA O FESILI NEI:

• Na faapeʻī le amataga o le faigāuō a le tuafafine ma Simi?

• O ā mea na ia mātauina a o faagasolo le la faigāuō?

• Na faapefea ona fesoasoani ona mātua iā te ia, ma o le ā lana filifiliga atamai na fai?