E Faia e Ieova Mea e Tatou te Lē Faatalitalia

A o faagasolo se oge tele, na fetalai atu Ieova o le a tele meaʻai i le aso e sosoo ai (2Tu 7:1; it-1 716-717)

E leʻi talitonu se tagata aloaʻia o Isaraelu i le folafolaga a Ieova (2Tu 7:2)

Na faia e Ieova se mea e leʻi faatalitalia (2Tu 7:6, 7, 16-18)

O se ulugalii Molimau a Ieova i se fale kofe, o loo matamata i tala fou e faatatau i se fono a taʻitaʻi o malo. O loo uaʻi totoʻa atu i ai tagata o loo i le fale kofe.

Na fetalai Ieova o le a oo faafuaseʻi mai le faaumatiaga o lenei faiga o mea i se taimi e lē faatalitalia. (1Te 5:2, 3) Aiseā e tāua ai lo tatou maufaatuatuaina o fetalaiga a Ieova?