AUALA E OLA AI O SE KERISIANO
E Faaola e Ieova Ē ua Lotonutimomoia
O tagata uma lava e iai taimi e lagona ai le faanoanoa. O faalogona faanoanoa e lē o se faailoga o le vaivai faaleagaga. E oo lava foʻi iā Ieova, e iai taimi e faanoanoa ai o ia. (Ke 6:5, 6) Ae faapefea pe a matuā lofitūina i tatou i le faanoanoa i le tele o taimi po o taimi uma lava?
Tatalo iā Ieova mo le fesoasoani. E tāua iā Ieova o tatou faalogona ma mea tatou te mafaufau i ai. E na te silafia taimi e tatou te fiafia ma faanoanoa ai. E malamalama o ia i le māfuaaga o o tatou manatu ma faalogona. (Sl 7:9e) Ae e sili atu i lenā, e manatu mamafa mai Ieova ma fesoasoani mai iā i tatou e fesagaʻia faalogona faanoanoa ma le lotomafatia.—Sl 34:18.
Ia puipui lou mafaufau. Pe a tatou lotovaivai, e lē gata e tatou te faanoanoa ai ae e aafia ai foʻi la tatou tapuaʻiga. O le māfuaaga lenā e tāua ai le leoleoina o o tatou loto, po o le tagata lilo i totonu.—Fat 4:23.
MAIMOA I LE VITIŌ AUALA O LOO OLIOLI AI O TATOU USO I LE FILEMU E UI I LE LOTOMAFATIA, ONA TALI LEA O FESILI NEI:
O ā mea na faia e Nikki e fesagaʻia ai le lofitūina i le lotomafatia?
Aiseā na manatu ai Nikki ua manaʻomia ona alu e vaai se fomaʻi?—Mat 9:12
O ā auala na faalagolago ai Nikki iā Ieova mo le fesoasoani?