Sina Fesoasoani mo Saʻiliʻiliga

Saʻili Mataupu o Loo i le Itulau Autū o le JW.ORG

E faaaogā e le toʻatele o o tatou uso ma tuafāfine mataupu o loo i le itulau autū o le jw.org i le galuega talaʻi. E faigofie ona lafo atu i masini faaonapōnei, ma e masani ona faamatala ai auala o loo faataunuu ai e mea o loo tutupu i aso nei valoaga o le Tusi Paia. Na tusi se uso, o mataupu o loo i le itulau autū, “o mea tonu lava ia e manaʻomia e faataunuu ai la tatou galuega talaʻi i le taimi lenei.”

E fou i taimi uma mataupu o loo i le itulau autū. O lea, e faapefea ona tatou maua mataupu e lē o toe iai i le itulau autū?

• I le itulau autū o le jw.org, oomi le vaega “Saʻili Atili.” O i inā o loo iai le vaega “Mea Fou i le Itulau Autū,” lea e te maua ai mataupu o loo tele ina faalauiloa i lenei taimi.

• I le jw.org po o le JW Library, oomi le “Library,” alu lea i le “Faasologa o Mataupu,” ona oomi lea o le vaega “Isi Mataupu.” O lenei vaega o loo aofia ai le tele o mataupu o loo i le itulau autū.