Sina Fesoasoani mo Saʻiliʻiliga

Po o aogā iā te oe le auala o loo faamatala ai mau o le Tusi Paia i le Tusi Taʻiala mo Saʻiliʻiliga a Molimau a Ieova?

E fesoasoani nei faamatalaga ina ia faalolotoina ai lou iloa o le Afioga a le Atua. Atonu o loo aofia ai i na faamatalaga taimi na tutupu ai mea, le māfuaaga na tusia ai, o i latou e faatatau atu i ai, po o le uiga o ni upu po o ni faaupuga patino.

Tagaʻi i le Lomiga Faale-Tusi Paia I LE INITANETI po o le JW Library, ona oomi lea o le Tusi Paia. Kiliki i se mau, o le a e maua ai faamatalaga o loo i le Tusi Taʻiala mo Saʻiliʻiliga mo lenā mau. I autafa o mau, e mafai ona iloa ai lomiga o loo i le Tusi Taʻiala mo Saʻiliʻiliga.

Pe a faaaogā lomiga o loo i le Tusi Taʻiala mo Saʻiliʻiliga, ia uaʻi lelei atu i aso o loo i na lomiga. O lomiga lata mai e pito i luga, ae o lomiga pito i lalo atonu o loo iai malamalamaga ua toe fetuunaʻi.

• I luga o le Lomiga Faale-Tusi Paia I LE INITANETI, e otometi lava ona iai i le Tusi Taʻiala mo Saʻiliʻiliga lomiga e faamatala ai se mau.

• Ina ia maua lomiga e faamatala ai se mau i le JW Library, kopi le Tusi Taʻiala mo Saʻiliʻiliga ma ni faamatalaga fou ua iai. E mafai ona faia faapea, pe a oomi le “Download” o loo i le pito i luga i autafa o le mataupu.