E Tausia e Tagata Faamaoni a Latou Tautoga

Faitau i le Faamasino 11:​30-40 i le tala iā Iefata ma lona afafine e faatatau i le auala e tausia ai tautoga.

Ia tilofaʻia manatu o loo siʻomia ai le mau. O le ā le vaaiga a tagata Isaraelu faamaoni i tautoga na latou faia iā Ieova? (Nu. 30:2) Na faapefea ona faaalia e Iefata ma lona afafine lo la faatuatuaina o Ieova?—Faama. 11:​9-11, 19-24, 36.

Ia saʻiliʻili atili. O le ā atonu na mafaufau i ai Iefata ina ua faia lana tautoga? (w16.04 7 ¶12) O ā faataulaga na faia e Iefata ma lona afafine ina ia faataunuu ai lana tautoga? (w16.04 7-8 ¶14-16) O ā nisi o tautoga tāua e ono faia e Kerisiano i aso nei?—w17.04 5-8 ¶10-19.

Ia vaai po o ā ni lesona e te aʻoaʻoina mai ai. Ia fesili ifo:

• ʻO le ā e fesoasoani iā te aʻu e faataunuu ai laʻu tautoga o le tuuina atu?’ (w20.03 13 ¶20)

• ʻO ā ni faataulaga ou te faia ina ia tele ai mea ou te faia i le auaunaga iā Ieova?’

• ʻO le ā e fesoasoani iā te aʻu ina ia ou tausisi ai pea i laʻu tautoga o le faaipoipoga?’ (Mata. 19:​5, 6; Efe. 5:​28-33)