E Faapefea Ona E Feagai ma le Faafitauli ua Taatele, o Faalogona Tuua Toʻatasi?

• “E pe tusa ma le ʻafa o tagata matutua i le Iunaite Setete ua lipotia mai ua aafia i faalogona o le tuua toʻatasi, ma o le toʻatele o i latou o talavou.”​—Our Epidemic of Loneliness and Isolation: The U.S. Surgeon General’s Advisory on the Healing Effects of Social Connection and Community, 2023.

• “Ua faasilasila e le Faalapotopotoga o le Soifua Mālōlōina i le Lalolagi lo latou tofia o ni tagata e galulue e vave foʻia le faafitauli ua taatele o faalogona tuua toʻatasi, e ala i le faalaeiau o tagata e atiaʻe faauōga ma isi, ma saʻilia ni auala lelei e foʻia ai faalogona tuua toʻatasi i atunuu uma, e tusa po o le ā le lē tagolima o na atunuu.”​—Faalapotopotoga o le Soifua Mālōlōina i le Lalolagi, Novema 15, 2023.

E maua i le Tusi Paia fautuaga aogā e fesoasoani iā i tatou e atiaʻe ai faauōga lelei ma tagata.

Mataupu silisili o le Tusi Paia e fesoasoani iā te oe

ʻAlofia le faia o mea e faaesea ai oe mai i tagata. O nisi o na mea e aofia ai le tele o le taimi e faaalu i le social media. Nai lo o lea, ia saʻili avanoa e faatasitasi ai ma tagata, ma taumafai ia maua ni uō moni.

• Mataupu silisili o le Tusi Paia: “O le uō moni e alofa i taimi uma ma o ia o se uso ua fanau mo taimi o puapuaga.”—Faataoto 17:17.

Saʻili ni avanoa e fesoasoani ai i isi. O le faia o mea lelei mo isi, e faamalosia ai a tatou faauōga ma i latou ma e faaleleia ai foʻi o tatou faalogona.

• Mataupu silisili o le Tusi Paia: “E sili le fiafia e maua i le foaʻi atu i lo o le talia mai.”—Galuega 20:35.

Ia asiasi i la matou Upega tafaʻilagi mo nisi faamatalaga mai le Tusi Paia i auala e maua ai ni uō lelei.