Po o le Atua o se Tolutasi?

Tali a le Tusi Paia

Ua aʻoaʻo e le tele o lotu Kerisiano, e tolutasi le Atua. Peitaʻi, mātau le mea ua taʻua i le Encyclopædia Britannica: “E lē o taʻua le upu Tolutasi pe faamatala lea aʻoaʻoga i le Feagaiga Fou . . . Na amata ona sosolo mālie mai le aʻoaʻoga ina ua mavae le tele o senituri ma le tele o fefinauaʻiga.”

O le mea moni, e lē taitai ona faamatalaina le Atua o le Tusi Paia o se vaega o le tolutasi. Mātau le faamatalaga nei a le Tusi Paia:

“O Ieova lo tatou Atua, o Ieova e toʻatasi lava ia.”—Teuteronome 6:4.

“O oe e ou le suafa o Ieova. E na o oe lava o Lē e Silisili Ese i le lalolagi uma.”—Salamo 83:18.

“O le ola e faavavau foʻi lenei, ia latou iloa oe, le Atua moni e toʻatasi, atoa ma lē na e auina mai, o Iesu Keriso.”—Ioane 17:3.

“E na o le toʻatasi le Atua.”—Kalatia 3:20

Aiseā ua faapea mai ai lotu Kerisiano e tolutasi le Atua?