Pe na Faia e le Atua le Tiapolo?

Tali a le Tusi Paia

Ua faailoa mai i le Tusi Paia e leʻi faia e le Atua le Tiapolo. Peitaʻi, na Ia foafoaina le agelu o lē na avea mulimuli ane ma Tiapolo. Ua faapea mai le Tusi Paia e faatatau i le Atua: “E atoatoa ona lelei ana gaoioiga, auā e tonu ona ala uma. O le Atua faamaoni, e lē o iā te ia se faiga lē tonu; e amiotonu ma amio saʻo o ia.” (Teuteronome 32:3-5) E tatou te iloa mai i lenā faamatalaga, sa iai se taimi na lelei atoatoa ma amiotonu ai Satani, o se tasi o atalii agelu o le Atua.

Na fetalai Iesu i le Ioane 8:44 “e leʻi tumau lava [le Tiapolo] i le upu moni,” o lona uiga sa iai se taimi na faamaoni ai Satani ma lē ponā.

Peitaʻi, sa iai i le agelu lea na avea ma Satani le saʻolotoga e filifili ai i le mea saʻo ma le mea sesē, e pei foʻi o isi foafoaga atamamai uma a Ieova. O lona filifili e tetee i le Atua ma faaosooso i le uluaʻi ulugalii e aufaatasi ma ia, ua avea ai o ia lava ma Satani, o lona uiga o “Lē e Tetee.”—Kenese 3:1-5; Faaaliga 12:9.