Aiseā e Tou te lē Faaaogāina ai le Koluse i la Outou Tapuaʻiga?

E manatu le toʻatele o tagata o le koluse o se faailoga e iloa ai Kerisiano. E ui o Molimau a Ieova o ni Kerisiano, ae matou te lē faaaogāina le koluse i a matou tapuaʻiga. Aiseā?

O se tasi o māfuaaga, o loo taʻua i le Tusi Paia e leʻi maliu Iesu i luga o se koluse ae o se laau saʻo. E sili atu i lena, o loo faamamafa mai i le Tusi Paia le lapataʻiga i Kerisiano “ia sosola ese mai i le ifo i tupua,” o lona uiga e lē tatau ona faaaogā koluse i tapuaʻiga.​—⁠1 Korinito 10:14; 1 Ioane 5:21.

E lē gata i lea, na fetalai foʻi Iesu: “O le mea lea e iloa ai e tagata uma o oʻu soo outou, pe afai ua outou alolofa o le tasi i le isi.” (Ioane 13:34, 35) Na faailoa mai ai e Iesu, o le alofa faataulaga e iloa ai ona soo moni ae lē o se koluse po o so o se faatusa.