Pe e Tou te Talitonu na Faia e le Atua Mea o le Foafoaga i Aso e Ono?

Ioe. E talitonu Molimau a Ieova na foafoaina e le Atua mea uma. E matou te talitonu na faia e le Atua mea o le foafoaga i aso e ono, ae e lē o uiga atu i aso e taʻi 24 itula. Aiseā? Seʻi mātau nisi o māfuaaga se lua.

1. Le umi o aso e ono o le foafoaga. E manatu nisi o aso e ono o le foafoaga e taʻi 24 itula. Peitaʻi, o le upu “aso” i le Tusi Paia, e faasino atu i se taimi umi.​—Kenese 2:4; Salamo 90:4.

2. Le umi talu ona iai le lalolagi paneta. E aʻoaʻo e nisi e faapea, e na o le faitau afe tausaga talu ona iai le lalolagi paneta. Peitaʻi, ua faailoa mai i le Tusi Paia ua leva ona iai le lalolagi paneta ma le vateatea, a o leʻi foafoaina e le Atua mea o le foafoaga i aso e ono. (Kenese 1:1) O le māfuaaga lea, e ioe ai Molimau a Ieova i suʻesuʻega faasaienitisi ua faamaonia e faapea, ua faitau piliona tausaga talu ona iai le lalolagi paneta.

E ui e talitonu Molimau a Ieova na foafoaina e le Atua mea uma, ae e lē faapea ai la e matou te teena manatu faasaienisi. E matou te talitonu i manatu faasaienisi ua faamaonia e ōgatusa ma le Tusi Paia.