Faamatalaga Pito i Lalo

a E fuaina le malosi o le tafe o le toto i milimita, i le maualuga e oso ai le laina o le uʻamea faasuavai siliva (mercury) lea o loo iai i mea fuatoto. O le maualuga ma le maulalo o le malosi o le alu a le toto e māfua mai i le tātā ma le mālōlō o le fatu lea e taʻua o le systolic ma le diastolic. E eseese lava i tagata taʻitoʻatasi ma e faalagolago lava i lo latou matutua, ituaiga, mafatiaga faalemafaufau ma le faaletino, atoa ai ma le vaivai. E mafuli atu ina maulalo le malosi o le uunaʻi o le toto i fafine na i lo tamāloloa, e maulalo i tamaiti, ae maualuga i tagata matutua. E ui lava atonu e iai sina eseesega itiiti o manatu, o le tagata talavou e soifua mālōlōina lelei atonu e faitauina lona systolic i le vā o le 100 i le 140 milimita o le malosi o le uunaʻi o le toto lea e fuaina i le laina o le uʻamea faasuavaia siliva, ae e i le vā o le 60 i le 90 milimita le diastolic i le taimi e mālōlō ai.