Faamatalaga Pito i Lalo

a Ae peitai, e lē manaomia e se fafine se ufiulu pe a talaʻi atu i lea fale ma lea fale, talu ai o le avega tauave o le talaʻia o le tala lelei e paʻū lea i Kerisiano uma. Ae afai e iai ni tulaga e manaomia ai ona ia taitaia se suesuega faale-Tusi Paia a le aiga a o auai lana tane (lona ulu, e tusa lava pe lē o se Kerisiano), e tatau ona ia faaaogā se ufiulu. E faapena foi i se tulaga e lē masani ai, pe a auai se tane tuuina atu o se sui o le faapotopotoga a o taitaia e se fafine se suesuega faale-Tusi Paia i se aiga na muai fuafuaina, e tatau ona ufiufi lona ulu, peitai e faia e le uso le tatalo.