Faamatalaga Pito i Lalo

a I le faailoaina mai o le tupuʻaga lē faa-Kerisiano o le tele o aʻoaʻoga, sauniga faalotu, ma faiga a lotu e tetee i le upu moni, na tusi ai se katinale Katoliko Roma o John Henry Newman o le senituri lona 19, i lana tusi Essay on the Development of Christian Doctrine, e faapea: “O le faaaogāina o malumalu, ma le tuuina atu o nei mea i sagato, ma le teuteuina i lālā o laau i aso faapitoa; o mea manogi, lamepa, ma molī gaʻo; o taulaga ua foaʻi atu ona ua toe malosi mai se gasegase; o vai sā; o nofoaga o sulufaʻiga; o aso paia ma vaitau faamanatu, le faaaogāina o kalena, o savaliga faalotu, le faamanuiaina o faatoʻaga ina ia fua tele; o laʻei faafaifeʻau, le selepooina o ulu, le mama faaipoipo, le liliu atu i le itu i Sasaʻe, le faaaogāina o faatusa mulimuli ane, atonu o le solo faalotu e lagi faapese, ma le Kyrie Eleison [le pese “Le Alii e, Ia Faapalepale”], o ia mea uma e iai tupuʻaga faapaupau, ma na faapaia ina ua taliaina i le Lotu.”