Faamatalaga Pito i Lalo

a O nisi Kerisiano e faigaluega i falemai ua masani ona latou iloiloina le vala lenei e faatatau i le pule. Atonu e iai i se fomai le pule e ota ai vailaau mo se gasegase po o faiga tau togafitiga faafomai mo se gasegase. E tusa lava pe e lē teena e le maʻi, e faapefea i se fomai Kerisiano o loo iai le pule ona ia faatonuina se tuiga toto po o le fai o se faapaʻūga tama, ae ua ia iloa mea o fai mai ai le Tusi Paia e faatatau i nei mataupu? I se faaeseesega, o se teine tausimai e faigaluega i le falemai e lē ia te ia lena pule. A o faatino ona tiute masani, e ono faatonu o ia e se fomai e faatino le sueina o ni toto mo se fuafuaga ia po o le vaaia o se maʻi na sau e fai se faapaʻū tama. E tusa ai ma le faaaoaoga o loo tusia i le 2 Tupu 5:17-19, e ono manatu le teine tausimai ona e lē o ia lea e iai le pule i le faatonuina o le tuiga toto po o le faia o le faapaʻū tama, na te ono faia pea la le auaunaga faaletagata agaʻi i le maʻi. Ae o le mea moni lava ia, o le a tatau ia te ia ona iloiloina lona loto fuatiaifo, ina ia ‘gaoioi ai i luma o le Atua ma se loto fuatiaifo e lelei.’—Galuega 23:1.