Faamatalaga Pito i Lalo

a Ua aogā le faamatalaga a Iesu e faasaʻo ai le manatu sesē o loo faaliliu ai e isi Tusi Paia le upu “faatasi mai.” Ua faauiga e nisi faaliliuga o le “toe afio mai,” po o le “toe maliu mai,” ma e faatatau uma lava i sina taimi puupuu. Mātau foʻi, e leʻi faatusa e Iesu lona faatasi mai i le Lolo i aso o Noa, o se mea na tupu mo sina taimi puupuu, ae na faatusa i “aso o Noa,” o se vaitaimi umi. I le pei o lenā vaitaimi anamua, o le a avea le faatasi mai o Keriso o se vaitaimi e pisi ai tagata i meafai o le olaga i aso faisoo ae lē amanaʻia ai le lapataʻiga ua avatu.