Faamatalaga Pito i Lalo

a O le a talanoaina i lenei suʻesuʻega le suiga o le tatou malamalamaga e faatatau i le Hakai 2:7. O le a tatou aʻoaʻoina i lenei suʻesuʻega auala e faia ai so tatou sao i le galuega mataʻina o loo lūlūina ai atunuu uma. O le a tatou aʻoaʻoina ai foʻi, e iai tagata e tali lelei mai i le lūlūina e lenei galuega o atunuu uma, ma e iai foʻi i latou e lē tali lelei mai.