9. O le ā e tatou te aʻoaʻoina mai iā Hana i le lotomalie e alu i Sailo, e ui sa ia iloa gaoioiga a Penina e fai iā te ia?

⁹ Ua pisi tagata uma o le aiga e sauni mo le malaga. E silia ma le 20 maila (30 km) le mamao o le malaga agaʻi i Sailo, ma e ui atu i laufanua maugā o Efaraima.b E tasi pe lua aso e savavali ai, ma sa iloa lelei e Hana le mea o le a fai e Penina. Ae e leʻi nofo ai o ia i le fale, ma o se faaaʻoaʻoga lelei lea mo tagata tapuaʻi o le Atua e oo mai i aso nei. E lē tatau ona avea mea leaga e faia e isi, e faalavelavea ai la tatou tapuaʻiga i le Atua, ma misia ai faamanuiaga e faamalosia ai i tatou ia tumau.