“Mea Taua Mai Le Tusi Paia” e Aumaia ai se Malamalamaʻaga Sili

INA ua toe taliu mai Iuta nai le tafeaga i Papelonia i le ono senituri T.L.M., o alii sili uma o le nuu sa “faapotopotoga atu ia Esera le tusiupu, ia aʻoaʻoina ai i latou i upu o le tulafono.” O le a na iu i ai ina ua faateleina lo latou malamalama? Ioe, sa latou faia se Tausamiga o Uaina “ma taufaiolioli tele”!—Neemia 8:13-18.

A o lelei ona faataitaia mai lena faaaʻoaʻoga, o le maua o le malamalama i le Tusi Paia e mafai ona i ai sona iuga lelei i tagata o le Atua. Ina ia faia faapea, o le a maua ai i lomiga o Le Olomatamata o Fepuari, Mati ma Aperila, 1986, faatomuaga ua faaulutalaina “O Mea Taua Mai Le Tusi Paia.” O nei mataupu o le a mafai ai e la tatou ʻaufaitau ona maua se malamalama loloto i tusi o le Tusi Paia o Esera, Neemia, ma Eseta.

O nei suesuega o le a fesoasoani ia i tatou e iloa ai mea fiafia na oo i ai ē sa fesootai ma le toe atiaeina o le tapuaiga moni i Ierusalema, le fausiaina o le malumalu o Ieova i ina, ma le faasaoina o tagata o le Atua i le feagai ai ma osofaiga ma sauaga mai le fili. O le mea moni, i le faitauina o nei tusi e pei ona fautuaina “O Mea Taua Mai Le Tusi Paia,” o le a maua e Molimau a Ieova ma a latou aumea ni aoga sili ona o le faaaogaina o nei lava mataupu faale-Tusi Paia i le Aʻoga o le Faiva Faatiokarate faalevaiaso. E faaopoopo i ai, ua tofia uso e aumaia “Mea Taua Mai Le Faitauina o Le Tusi Paia” i le polokalama a le aoga e mafai ona faaaoga le faatomuaga “O Mea Taua Mai Le Tusi Paia” i se tulaga lelei e taliina ai fesili faale-Tusi paia ma faasino mai ai foi lesona mo i tatou.—Roma 15:4.

[Siata i le itulau 7]

O Tupu o Peresia o loo Taʻua i le Esera, Neemia, ma Eseta

c. 550-529 Kuresa le Sili Kuresa Esera 1:1; 4:5

529-522 Cambyses 11 Asueru Esera 4:6

522 (8 masina) Gaumata (Smerdis) Aretaseta Esera 4:7-23

486-474 Xerxes 1 Asuera Tusi o Eseta