E Mafai Ona Avea Oe ma Uō a Ieova

E finagalo Ieova ia e iloa lelei o ia. Aiseā? O le tele lava o lou iloa e faatatau i ona uiga, o le auala e feutagaʻi ai ma tagata, ma lona finagalo, o le tele foʻi lenā o lou manaʻo e faauō iā te ia. Pe mafai moni lava ona avea oe ma uō a le Atua? (Faitau le Salamo 25:14.) O le ā e mafai ona e faia ina ia avea ai oe ma ana uō? O loo tali e le Tusi Paia na fesili, ma faailoa mai ai pe aiseā e sili atu ai ona tāua le lua faauōga ma Ieova, na i lo se isi lava faiā.

1. O le ā o loo valaaulia oe e Ieova e fai?

“Ia outou mafuta vavalalata atu i le Atua, ona mafuta vavalalata mai lea o ia iā te outou.” (Iakopo 4:8) O le ā le uiga o lenā manatu? O loo valaaulia oe e Ieova ina ia avea ma ana uō. Atonu e faigatā ona talitonu nisi e mafai ona avea i latou ma uō a le Atua, ona e lē mafai ona vaai atu i ai. Ae i lana Afioga le Tusi Paia, o loo faailoa mai ai e Ieova mea uma e tatau ona tatou iloa e faatatau iā te ia, ina ia mafai ai ona tatou faalatalata atu iā te ia. Pe a faitau i le Tusi Paia, o le a faamalosia ai la tatou faauōga ma Ieova e ui e lē vaaia o ia.

2. Aiseā e avea ai Ieova o sau Uō e sili ona lelei?

E leai se tasi e sili atu ona alofa iā te oe na i lo Ieova. E finagalo ia e fiafia ma ia e talanoa atu iā te ia i soo se taimi e te manaʻomia ai lana fesoasoani. E mafai ona e ʻlafo atu ou popolega uma iā te ia, auā o loo manatu mamafa mai o ia iā te oe.’ (1 Peteru 5:7) E nofosauni Ieova i taimi uma e lagolagosua, faalaeiau ma faalogologo i ana uō.​—Faitau le Salamo 94:​18, 19.

3. O le ā e faatalitalia e Ieova mai ana uō?

E alofa Ieova i tagata uma, “ae e mafuta vavalalata atu o Ia i ē ua amio saʻo.” (Faataoto 3:32) E faatalitalia e Ieova ana uō e taumafai e fai mea e ōgatusa ma lona finagalo, ae ʻalofia mea e na te inosia. E manatu nisi e lē mafai ona latou tausia tapulaa a Ieova e faatatau i mea lelei ma mea leaga. Ae e alofa mutimutivale Ieova, ma e na te talia i latou uma e alolofa moni iā te Ia ma fai le mea sili e faafiafia ai o Ia.​—Salamo 147:11; Galuega 10:​34, 35.

SAʻILIʻILI ATILI

4. Na avea Aperaamo ma uō a Ieova

O le tala a le Tusi Paia iā Aperaamo, (lea sa igoa foʻi o Aperamo) e fesoasoani iā i tatou e malamalama ai i le avea ma uō a le Atua. Faitau e faatatau iā Aperaamo i le Kenese 12:​1-4, ona talanoa lea i fesili nei:

• O le ā na taʻu atu e Ieova iā Aperaamo e fai?

• O le ā na folafola atu e Ieova iā te ia?

• Na faapefea ona tali atu Aperaamo i faatonuga a Ieova?

5. O le ā e faatalitalia e Ieova mai ana uō?

E masani lava e tatou te faatalitalia ni mea patino mai i a tatou uō.

• O ā ni mea e te manaʻo e fai mai e au uō mo oe?

Faitau le 1 Ioane 5:​3, ona talanoa lea o le fesili lenei:

• O le ā e faatalitalia e Ieova mai ana uō?

Ina ia usiusitaʻi iā Ieova, e ono manaʻomia ona suia a tatou amioga po o uiga. Faitau le Isaia 48:​17, 18, ona talanoa lea i le fesili lenei:

• Aiseā e faatalitalia ai e Ieova ana uō e fai suiga?

6. O le ā e faia e Ieova mo ana uō?

VITIŌ: E Lasi Mea ua Faia e Ieova mo Aʻu (3:​20)

• Na faapefea ona fesoasoani Ieova i le fafine i le vitiō, ina ia manumalo mai ona mafaufauga sesē ma le lotovaivai?

Faitau le Isaia 41:​10, 13, ona talanoa lea i fesili nei:

• O le ā o loo folafola mai e Ieova e na te faia mo ana uō uma?

• Pe e te manatu o Ieova o se Uō e sili ona lelei? Aiseā?

7. O le faauōga ma Ieova e manaʻomia ai fesootaʻiga

O fesootaʻiga e mafai ona faamalosia ai se faauōga. Faitau le Salamo 86:​6, 11, ona talanoa lea i fesili nei:

• E faapefea ona tatou fesootaʻi atu iā Ieova?

• E faapefea ona fesootaʻi mai Ieova iā i tatou?

AOTELEGA

E finagalo Ieova e avea oe ma ana Uō, ma o le a ia fesoasoani iā te oe e faalatalata atu iā te ia.

Fesili Autalu

• E faapefea ona fesoasoani Ieova i ana uō?

• Aiseā e faatalitalia ai e Ieova ana uō e faia suiga?

• Pe e te manatu e faigatā tele ona avea oe ma uō a Ieova? Aiseā?

MANATU FAAOPOOPO

E faapefea i lau faauōga ma le Atua ona e maua ai aogā i lou olaga?

“O Ieova​—O le Atua e Tatau Ona Iloa Lelei” (Le Olomatamata, Fepuari 15, 2003)

E faapefea ona atiaʻe se lua faauōga ma le Atua?

“E Faapefea Ona Avea Aʻu ma Uō a le Atua?” (Fesili ua Fesili Mai ai Talavou​—Tali e Aogā, Tusi 2, mataupu 35)

Vaai pe na faapefea ona faaleleia le olaga o se fafine ona o lana faauōga ma Ieova.

“Ou te Leʻi Fia Oti!” (Le Olomatamata Nu. 1 2017)

Faalogo atu i talavou a o faamatala mai o latou faalogona e faatatau iā Ieova.

O le ā e Aofia ai i le Avea ma Uō a le Atua? (1:​46)

6. Pe a uma ona e papatiso, o le a avea oe o se vaega o le aiga o Ieova

Pe a uma ona papatiso, ona avea loa lea ma vaega o se aiga autasi i le lalolagi aoao. E ui e eseese o matou atunuu ma talaaga, ae e tutusa o matou talitonuga ma tapulaa tau amio e ola ai. Faitau le Salamo 25:14 ma le 1 Peteru 2:​17, ona talanoa lea i le fesili lenei:

• O ā aafiaga lelei o le papatisoga i le faiā a se tasi ma Ieova, ma lana faiā ma isi o loo tapuaʻi atu foʻi iā Ieova?

2. E faapefea ona tatou maua se olaga fiafia i le taimi lenei?

Na foafoaina i tatou e Ieova ma o tatou “manaʻoga faaleagaga,” po o le faanaunauga ina ia iloa o ia ma tapuaʻi atu iā te ia. (Faitau le Mataio 5:​3-6.) E finagalo ia tatou vavalalata atu, ʻsavavali i ona ala uma ma alolofa iā te ia,’ ma auauna atu ‘ma le lotoatoa.’ (Teuteronome 10:12; Salamo 25:14) O le faia faapea, o le a tatou maua ai le fiafia moni e tusa po o ā faafitauli tatou te fesagaʻia. O le tapuaʻi iā Ieova o le a tatou maua ai se olaga fiafia, e pei ona ia finagalo i ai.