Faatinoina o le Amio Atua Agaʻi i Matuā Matutua
“Ia aʻoaʻoina i latou [fanau po o fanau a fanau] ia mua mau ona agalelei [faaalia le amio atua] i lo latou lava aiga, ma taui atu i o latou mātua, [ma mātua o ō latou mātua]; auā o le mea lelei lea ma le mālie i luma o le Atua.”—1 TIMOTEO 5:4.
1, 2. (a) O ai ua faatatauina i ai e le Tusi Paia le avega tauave o le tausia o mātua ua matutua? (e) Ai se ā o sle mea matuiā ai mo se Kerisiano le lafoaiina o lea tiute?
A O E tama itiiti, sa la tausi ma puipui ia te oe. Ina ua oo ina e matua, sa e saili ia la fautuaga ma le lagolagosua. A e i le taimi nei, ua la matutua ma ua manaomia se tasi e lagolago ma tausia i laua. Ua faapea mai le aposetolo o Paulo: “Afai foi o i ai i se fafine ua oti lana tane ni ana tama po o fanau a ana tama, ia aʻoaʻoina i latou ia muamua ona agalelei i lo latou lava aiga, ma taui atu i o latou mātua [ma mātua o ō latou mātua]; auā o le mea lelei lea ma le mālie i luma o le Atua. A e afai e le tausi e se tasi i lona aiga, afai foi e le sili ona tausi i e mau ma ia, ua faafitia e ia le faatuatua, e sili foi lona leaga i le ua le faalogo.”—1 Timoteo 5:4, 8.
2 E faitau afe Molimau a Ieova i aso nei o loo tausia mātua ua matutua. Latou te faia e lē ona o le na ona “agalelei” (The Living Bible) po o se “tiute” (The Jerusalem Bible) a e ona o le “[amio Atua],” o e tuuina atu lea i le Atua. Ua latou iloa e faapea, o le lafoaia e se tasi o ona mātua i le taimi ua i ai ni manaoga, ua tutusa lava lena ma le ‘faafitia o le faatuatua [faa-Kerisiano].’—Faatusatusa le Tito 1:16.
‘Amo Lau Avega’ o le Tausia
3. Ai se ā e avea ai o se luʻi moni i se tasi le tausia o ona mātua?
3 Ua avea o se matuā luʻi moni lava le tausia o mātua ua matutua, a e maise lava i atunuu i Sisifo. E masani lava ona faataapeape solo ai aiga. Ua matuā oso aʻe le taugata o mea ua lē mafai ai ona gafatia. Ua fai galuega i aso uma le avā. O le tausai la o lse matua ua matua e mafai ona ave o se avega mamafa o loo aveina, a e maise lava pe afai o le tagata o loo faia lea tiuge ua lē o toe talavou foi o ia. “Ua taʻi 50 nei o ma tausaga, ua matutua fanau ma fanau a fanau o loo manaomia foi e i latou se fesoasoani,” au fai ma iai se tasi tuafafine o loo tauivi ma le tausiga o sona matua.
4, 5. (a) Ia te ai ua faalaia mai i le Tusi Paia le tatau ona fetufaʻi ai le avega o le tausia o mātua? (e) Na faapefea ona aloese nisi mai lo latou tiute tauave agaʻi i o latou mātua i aso o Iesu?
4 Na faamanino ma ie Paulo faapea, e mafai ona tufa atu le avega tauave i “ana tama po fanau a ana tama.” (1 Timoteo 5:4) E ui i lea i nisi taimi, ua lē mafai ai e se tuagane po o se tuafafine ona ‘ave la latou avega’ o le tausia. (Faatusatusa le Kalatia 6:5) “Ua matuā fafano lava lima o loʻu tuafafine matua i lenei tulaga,” ua faitio mai ia se tasi toeaina. A e pe e fia fiea ea i ia Ieova i lea auala? Ia manatu a se mea na taʻu atu e Iesui le au Faresaio: “Auā ua fai ma Mose, Ia e ava i lou tamā ma lou tinā; . . . .A ua outou fai mai, Afai e fai ane se tagata i le tamā po o le tinā, Ai se mea ua ia te au e aoga ia te oe ua kopano lea (o lona uiga o le taulaga;) ona outou le toe tuuina atu lea ia te ia, ina ia faia se mea mā lona tamā po o lona tinā; ua outou faaleaogaina ai le afioga a le Atua i a outou uputuu.”—Mareko 7:10-13.
5 Afai sa lē fia manao se tagata Siu e fesoasoani i ona mātua ua leai ni la mea, sa manaomia la ona ia faailoa o mea o ia te ia o “kopano”—o se meaalofa ua faataatia ese mo le malumalu. (Faatusatusa le Levitiko 27:1-24) A e peitai e mautinoa lava sa leʻi uunaia malosi o ia e tuuina atu loa lenei meaalofa. O lea, sa mafai lava ona ia taofia ia mea (ma mautinoa lava e mafai ona ia faaaogāina) o ana lava mea totino i se taimi e lē faatapulaaina. A e afai sa manaomia e ona mātua se fesoasoani tau tupe, sa mafai lava ona ia aloese mai lona tiute fai i lona faapea atu o ana mea ua “kopano.” Sa matuā taʻuvaleaina e Iesu lea gaoioiga tau faasese.
6. O le ā se mea atonu e uunaʻia ai foi nisi i aso nei e aloese mai i o latou tiute tau i o latou mātua, ma pe fiafia i ai le Atua i lenei mea?
6 O se Kerisiano na te faaogāina nei faamolemolega gaogao e aloese ai mai lona tiute tauave, na te lē o faavaleaina ai le Atua i lea mea. (Ieremia 17:9, 10) E moni, o faafitauli tau tupe, le lē lelei o le soifua malōlōina, po o isi lava tulaga faapena e mafai ona matuā taofia ai se tasi mai le faia o le tele na te mafaia ona fai i ona mātua. Peitai, o nisi atonu ua latou faatauā ʻoa, le taimi, ma lo latou saolotoga totino na i lo o le lelei mo ō latou mātua. O lea, pagā la le pepelo, o le talaʻi atu o le Afioga a le Atua, a e ua “faaleaogaina” i ā tatou gaoioiga lē tusa, agaʻi i mātua!.
Felagolagomai i Aiga
7. E mafai faapefea ona felagolagomaʻi aiga i le saunia o le tausiga mo se matua ua matua?
7 Ua faamatala e nisi tagata tomai e faapea, a mapuna aʻe se mala e aafia ai se matua ua matua lava, e tatau lava ona logoina se talanoaga a le aiga. Atonu pe e na o se toatasi lava se tagata o le aiga o loo ona amoina le mamafa o le avega. A e o le faia lelei o se talanoaga ma faia se “filifiliga” mautū e masani ai lava ona lelei ona galueaiina ni auala lelei e fetufai a i le mamfa o le avega. (Faataoto 15:22) O i latou e mamao mea e nonofo ai e mafai lava ona latou fesoasoani i tupe ma asiasi mai foi i nisi taimi. O nisi atonu e mafai ona taulimaina le faia o feau masani pe saunia foi se auala e femalagaʻai ai. Ioe, pe e na o le asiasi atu foi i ai e lē aunoa, atunu o se meaalofa tāua lena mo mātua. Fai mai se tasi tuafafine matua ua sili atu i le 80 ona tausaga e uiga i asiasiga a lana fanau, “Ua pei o se vailaau!”
8. (a) Pe e mafai ona aloese ai sui o le aiga o loo i le auaunaga sauatoa mai le auai i le tausia o ō latou mātua? (e) O le ā le mamao na oo iai nisi o loo i le auaunaga sauatoa i le faafetaiaia o tiute tauave agaʻi i mātua?
8 E ui i lea, atonu ua fesagaʻi le aiga ma se faafitauli maaleale, pe a auai se tasi o le aiga i le auaunaga sauatoa. E lē aloese mai i lea tiute tauave faifeau sauatoa, ma e toatele ua latou faia ni taumafaiga sili e tuuina atu ai le tausiga i o latou mātua. Fai mai se ovasia matagaluega: “E lē mafai ona faatusalia lo maʻua manatu, pagā le mamafa i le faaletino ma faalogona i le tausia o ō maʻua mātua, a e maise lava pe afai i le taimi lava lea e tasi, o loo taumafai ai foi e faafetaiai mea e manaomia o le auaunaga sauatoa. O le mea moni, ua aumaia ia i maʻua i le iʻuga o le maʻua onosai, ma lagona ai le manaomia o ‘le malosi e sili atu na i lo o le malosi masani.’” (2 Korinito 4:7) Tau lava ina ia faaolaolaina pea e Ieova i latou na.
9. O le ā se faalaeiauga e mafai ona tuuina atu ia i latou ua leai se filifiliga e toe mafai ona faia, a e tuua loa le auaunaga sauatoa ina ia tausia mātua?
9 E ui i lea, i nisi taimi, ina ua uma on suʻesuʻina isi itu tatau uma, o le a leai la se isi mea e toe faia a e na o le tuua loa e le sui o le aiga le auaunaga sauatoa. E manino lava atonu o le a i ai ni lagona faaletonu o lea tagata ona o le tuua o faaeaga o lana auaunaga. ‘Ma te iloa o la ma tiute tauave faa-Kerisiano o le tausia o loʻu tinā matua ua maʻi,’ ua fai mai ai se tasi na avea muamua ma misionare. ‘A e i nisi taimi e matuā ese ai lava le lagona.’ E ui i lea, ia manatua o le ‘faatinoina o le amio Atua i le aiga e mālie i ai le silafaga a le Atua.’ (1 Timoteo 5:4) Manatua foi, “e le amoiletonu le Atua, na te le faagalogaloina la outou galuega ma le faamalosi i le alofa ua outou faaali mai ai i lona suafa, auā na outou auauna i le au paia, i le o loo outou auauna (pea) i ai.” (Eperu 6:10) Ua faapea mai se ulugalii sa tatau ona tuua le tele o tausaga i le auaunaga sauatoa: “O le auala ua ma vaai nei i ai, e pei lava le tāua ia i maʻua o le tausia o ō ma aiga, e pei ona sa tāua ia i maʻua lo ma auai i le auaunaga sauatoa.”
10. (a) Ai se ā na vave ona tuua ai e nisi le auaunaga sauatoa? (e) E tatau faapefea i aiga ona vaai agaʻi i le auaunaga sauatoa?
10 E ui i lea, atonu ua vave lava ona tuua e nisi lea auaunaga sauatoa ona o manatu o isi i le aiga: ‘E lē o saisaitia oe (po o oulua) i ni galuega ma ni aiga. Ai se ā e te (pe lua te) lē vaaia ai Papa ma Mama?’ Ae peitai, pe e lē o le galuega talaʻi ea, o le galuega lea o loo sili atu ona faanatinati ona faia i aso nei? (Mataio 24:14; 28:19, 20) O lea, o i latou o i le auaunaga sauatoa o loo latou faia e galuega tāua. (1 Timoteo 4:16) Na faaalia foi e Iesu faapea, i nisi taulaga, e sili atu ona tāua le auaunaga i le Atua na i lo o mataupu tau le aiga.
11, 12. (a) Ai se ā na lapataia ai e Iesu se tamaloa e “tuua pea ia i e ua oti e tanu i o latou tagata oti”? (e) O ā ni fuafuaga ua faia e nisi aiga pe afai e toatasi se sui o i le auaunga sauatoa?
11 Mo se faataʻitaʻiga, ina ua teena e se tamaloa le valaau a Iesu e avea ma ona soo i loan faapea atu: “Tuu mai ia ia te au, seʻi ou alu e muai tanu i loʻu tamā,” a e na tali atu Iesu: “Ina tuu pea ia i e ua oti (faaleagaga) e tanu i o latou tagata oti; a o oe, e te alu ma talaʻi atu le malo o le Atua.” (Luka 9:59, 60) Talu ai ona o le aso lava e oti a i se tagata Siu o le aso lava lena e tanu ai, e lē o foliga mai la sa oti moni le tamā o le tamaloa. A e sa manao lava e nonofo pea ma lona tamā matua seia oo ile aso e oti ai. A e peitai, talu ai sa i ai pea nisi o le aiga e tatau ona faia lenei tausiga, o lea na faalaeiau ai loa e Iesu le tamaloa e “alu ma talaʻi atu le malo le Atua.”
12 Ua iloa foi e nisi aiga faapea, pe a felagolagomai tagata uma o le aiga, e masani lava ona fuafuaina mo lē o loo i ai i le auauanga sauatoa ina ia auai i le tausia o ona mātua, e aunoa ma le tuua ai o lana auaunaga sauatoa. Mo se faaaʻoaʻoga, o nisi faifeau sauatoa e fesoasoani atu i o latou mātua i faaiʻuga o vaiaso po o vaitaimi o malōlōga. E fiafia lava ona e i ai lava ni nai isi mātua ua matutua o loo mananao ia tumau pea ona i ai a latou fanau i le auaunaga sauatoa, e tusa lava po o se matuā faataulagaina ai i le itu a mātua. E ʻoa, faamanuiaga a Ieova ia i latou o ē tuua faamuamua mea tau o le Malo.—Mataio 6:33.
“Poto” ma le “Faautauta” Pe a ō atu Mātua i Lou Aiga
13. O ā ni faafitauli e mafai ona tupu aʻe pe a siitia atu se matua e nonofo ma se tasi o lana fanau?
13 Na fuafua e Iesu mo lona tinā ua oti lana tane ina ia nonofo ma on aaiga talitonu. (Ioane 19:25-27) E toatele Molimau ua fapena foi ona latou valaaulia ō latou mātua latou te nonofo—ma ua latou tofo ai i le tele o taimi e olioli ai, ma i le iʻuga ua ave o ni faamanuiaga. A e peitaʻi, o se olaga lē feʻautaʻi, le leai o se saolotoga totino ma le taumafai malosi e avatu le tausiga i aso taitasi, e masani lava ona avea ai le nonofo ma se matua i le fale o se tasi o se mea e faavaivaia ai le loto. “O le tausia o Mama ua sili atu ai ona ou omia,” ua fai mai ai Ana, o lē o le tinā o lana tane ua maʻi i le mafaufau, Alzheimerʻs disease. “O nisi taimi e oo ai lava ina ou lē lavā onosai ma ou tautala atu i ai ma le lē alofa ia Mama—ma ou te lagona ai ua ou agasala.”
14, 15. E mafai faapefea ona fesoasoani le “poto” ma le “faautauta” e ‘atiina aʻe’ ai se aiga o i lalo o nei tulaga?
14 Na faapea mai Solomona “ua atiina aʻe le fale i le poto; a e faamausaliina i le faautauta.” (Faataoto 24:3) O Ana mo se faaaʻoaʻoga, sa taumafai lava ia malamalama atili i le faafitauli o le tinā o lana tane. “E teu pea i loʻu mafaufau o ia e maʻi, ma na te lē o faia se gaoioiga ma le loto i ai.” Peitai, “o mea e tele e sese ai i tatou uma; a le sese se tasi i le upu, o le tagata lea ua sao.” (Iakopo 3:2) A e pe a mapuna aʻe ni feteenaʻiga, ia faaalia le poto i le lē faatupuina o le lē fiafia pe faapasae aʻe le ita. (Efeso 4:31, 32) Talanoa i faafitauli e pei o se aiga, ma saili ni auala e fai ai ni fetuutuunaiga po o ni fesuiaiga.
15 E fesoasoani foi le faautauta i se tasi e faia ai fesootaiga uigā. (Faataoto 20:5) Atonu e faigata i se matua ona fai se fesuiaiga i tulaga masani o se aiga fou. Pe atonu ona ua vaivai lana faamasinoga, ua ia manatu ai e lē lagolagosua. I nisi tulaga atonu ua leai se filifiliga ae ia matuā tautala maumauai i ai. (Faatusatusa le Kenese 43:6-11) Fai mai se tasi tuafafine, “Afai ou te lē fai atu i loʻu tinā e leai, na te faaalu uma ai lava ana tupe.” E ui lava i lea, ua iloa foi e se tasi toeaina, o nisi taimi na te utufia mai ai i lagona o lona tinā e uiga ia te ia. “O le tele lava o taimi pe a lē taulau ni talanoaga, e na ona ou faapea atu lava, ‘Mama, faamolemole ea ā pe a e faia le mea lea mo aʻu?’ ia ona faalogo loa lea.”
16. Ai se ā e tatau ai i e tane alofa ona faalia le “faautauta: agaʻi i lana avā? E mafai faapefea ona ia faia faapena?
16 Talu ai ona o le avā e masani ona ia aveina le mamafa o le tausiga, e tatau lava la i se tane faautauta ona vaai, ina ia lē tigaina pe vaivai tele le avā—i faalogona ootia, i le tino, po ole itu faaleagaga. Fai mai le Faataoto 24:10: “Afai e te faavaivai i le aso vale, ua itiiti lava lou malosi.” O le a e mafai ona faia e se tane e toe faafou ai le aasa o lana avā? Fai mai se tasi tuafafine, “E sau loa laʻu tane i le aiga, e tago mai opo atu aʻu ma fai mai e ese lona talisapaia o aʻu. Ana lē seanoa o ia e leai se mea e mafai ona ou faia!” (Efeso 5:25, 28, 29) E mafai foi ona ia suʻesuʻe e lē aunoa le Tusi Paia faatasi ma lana paaga, ma tatalo faatasi ma ia. Ioe, e tusa lava po o i lalo o nei tulaga faigata, e mafai lava ona “atiina aʻe” se aiga.
Tausia i Nofoaga mo Tagata Matutua
17, 18. (a) O le ā le isi o laasaga na faamalosia nisi aiga e faia? (e) I tulaga faapena, e mafai faapefea e fanau matutua ona fesoasoani i o latou mātua ina ia fetuutuunai?
17 Fai mai se tasi tagata suʻesuʻe i faafitauli tau i tagata matutua: “Ua oo mai nei i le tulaga ua leai se tomai po o se tupe e tausia ai (se matua) i le aiga.” E pei ona fai ma ise tasi tane: “Na oo ina paʻū le tulaga o le soifua malōlōina o laʻu avā i lona taumafai e tausia Mama mo le 24 itula i aso taitasi. Na leai se mea ma te toe mafaia a e na avatu loa Mama i se fale e tausia ai tagata matutua. A e na matuā momomo ō ma loto i le faia o lenei mea.”
18 O le tausia i nofoaga o tagata matutua atonu o se tausiga e sili lea ona lelei ua mafai ona maua i lalo o nei tulaga. A e peitai, o tagata matutua e tuu i nei fale e masani lava ona feita ma lē fiafia, ua i ai lo latou lagona ua tulafoaiina i latou. “Na ma faamatala lelei atu lava ma le faaeteete ia Mama le pogai ua ma faia ai lenei mea,” ua fai mai ai se tuafafine o le a tatou faaaigoaina o Greta. “Ua fiafia nei o ia e faia ni fetuunaiga ma ua vaai i ai i lea nofoaga o se aiga” O le asiasi atu foi e lē aunoa e faafaigofie ai i mātua nei fesuiaiga, ma faamaonia ai le moni o lou alofa mo i latou. (Faatusatusa le 2 Korinito 8:8) Pe a fai ma faafitauli pe mamao, ia faafesootai atu pea la i le telefoni, tusi, ma le asiasi atu i ai i nisi taimi. (Faatusatusa le 2 Ioane 12) A e peitai, o le nofo i totonu o tagata o le lalolagi e oo ai i ni uiga lē lelei. Ia e ‘iloa la o latou manaoga faaleagaga.’ (Mataio 5:3) “Ma te avatu ia Mama tusi e faitau ai, ma ma te taumafai foi e talanoa atu i ai i le tele ma te mafaia tau i mea faaleagaga,” ua fai mai ai Greta.
19. (a) O le ā le faaeteetega e tatau ona faia i le filifilia ma le vaavaaia lelei o se fale e tausia ai mātua po o ē mamaʻi? (e) E faapefea ona aogā mo se Kerisiano lona faia o le mea aupito sili mo le tausia o se matua?
19 Na lipotia mai e le The Wall Street Journal e uiga i se suʻesuʻega i nofoaga e tausi ai tagata mamaʻi ma tagata matutua e 406 i le U.S. lea e faapea “pe tusa o le tasi vae lima sa manatu tele i ai e matautia mo tagata e nonofo ai, ma e toeitiiti lava o le ʻafa o nei fale sa mafai ona faafetaiaia na o tulaga tatau.” E faanoanoa ai e faapea atu, o nei lipoti e puapuagatia ai ua taatele. O lea, afai e manaomia se fale e tausi ai, ia faaeteete i le filifilia o se fale. Alu lava oe e vaai i ai pe mamā, pe e lelei ona tausia, pe agavaa le au faigaluega, po o le siomaga e pei o le aiga, ma pe e lelei foi meaʻai. Ia vaai ma le faaeteete i le mea e te mafai i le tausiga o tuuina atu i ou mātua. Ia avea oe ma o la faufautua, e fesoasoani ia i laua e alofia tulaga leaga e mafai ona mapuna aʻe, atonu po o le feagai ai ma aso malōlō faalelalolagi po o faafiafiaga. E lou faia o le mea aupito sili e te mafaia i letausia o oi mātua i lalo o na tulaga, o le a mafai ai ona e mapu mai i nisi lagona faapea ua e agaleaga, e mafai ona atonu e faateia ia oi i e taimi.—Faatusatusa le 2 Korinito 1:12.
O ē Foai ma le Fiafia O ē Talia ma le Fiafia
20. Ai se ā e tāua ai i fanau le ave o ni ē foai ma le fiafia?
20 Fai mai se tasi fafine Kerisiano e uiga i le vaaia o ona mātua, “E matuā faigata lava. Ou te kuka mo i laua, faamamā, feagai ai ma taimi e tagi ai, ma le suia foi o ie o le moega pe a susū soo.” A e fai mai lona toalua, “So o se mea lava ma te faia mo i laua, ma te faia lava ma le olioli—fiafia. Sa ma taumafai malosi lava ina ia aua neʻi i ai i ō ma mātua se lagona faapea, ua ma lē mananao e tausi i laua.” (2 Korinito 9:7) E masani lava i tagata matutua ona lē mananao e talia ni fesoasoani, ma e lē mananao e avea o se avega mamafa i latou i isi. O le uiga la o le a e faaalia e matuā tāua lava.
21. (a) E mafai faapefea e mātua ona ae o i ē talia ma le fiafia? (e) Ai se ā e poto ai mo se matua ona fuafua mo le lumanai i ona tausaga matua?
21 A e i le taimi foi lea, e tāua tele foi le uiga ua faaalia e mātua. Ua manatua ai e se tasi taufafine: “Po o ā lava ni mea na ou faia mo Mama, sa lē taitai ona lava,” O lea, mātua e, ia aloese mai le lē magafagafa po o le soona tagisā. I lo mea uma, ua fai mai ai le Tusi Paia, “e le tatau ona faaputu oa e le fanau mo mātua, a o mātua mo le fanau.” (2 Korinito 12:14) O nisi mātua e faamaumau a latou alagāoa a e oo ina avea o ni avega mamafa i a latou fanau. Peitai, ua faapea mai le Faataoto 13:22: “O le tagata lelei na te tofia ana mea i le fanau a lana fanau.” I le faalauteleina e tatau ai, o lea, e mafai e mātua ona fuafua mo lo latou taimi e avea ai o ni tagata matutua, e teu ese ni tupe ma faia ni fuafuaga sili mo lo latou lava tausiga.—Faataoto 21:5.
22. E tatau faafepea ona vaai se tasi i taumafaiga o loo ia tuuina atu mo le tausia o ona mātua ua matutua?
22 Na faatulaga lelei lava e Paulo i lona faapea mai, o le tausia o ni mātua o se tasi o le “taui atu” lea ia i latou. (1 Timoteo 5:4) E pei ona fai mai se tasi uso: “Na tausi aʻu e Mama mo le 20 tausga. O le ā se mea ua ou faia e tusa ai ma lena mea?” Tau ina ia uunaia foi faapena Kerisiano uma lava o i ai ni mātua ua matutua, ina ia ‘faaalia le amio Atua i le aiga,’ i le iloa o le a faaʻoaina ai i latou i le taui mai le Atua, o lē ua ia folafola mai ia i latou o ē o loo āva i o latou mātua: “(O le a) e nofo tuluʻi ai i luga o le laueleele.”—Efeso 6:3.
Manatu ia Manatua
◻ Na faapefea ona saili nisi i aso o Iesu e aloese mia le tiute tauave agaʻi i o latou mātua?
◻ O ai e tatau ona tausia mātua ua matutua, ma ai se ā?
◻ O ā ni faafitauli atonu e oo i aiga pe a aumaia se matua latou te nonofo faatasi, ma e mafai faapefea ona latou foia?
◻ Ai se ā e tatau ai foi ona tausia i fale e tausia ai tagata matutua, ma e mafai faapefea ona fesoasoani atu i mātua ia faia ni fetuunaiga?
[Ata i le itulau 15]
E mafai ona faia se talanoaga a le aiga e talanoaina ai, pe faapefea ona fetufaʻi le vaaia o le tausiga o se matua
[Ata i le itulau 17]
Pe a manaomia le tuuina i se nofoaga e tausi ai tagata matutua, e tatau foi la ona asiasi atu pea i ai e lē aunoa ona e mo le lelei tau i faalogona ma le tulaga faaleagaga o tagata matutua