E FAANOANOA, ona o le auala ua faamatala ai e le Tusi Paia ia tagata i o tatou taimi, o “ē lē lotoaiga,” i lenei vaitau ua taʻua o “aso e gata ai.” (2 Timoteo 3:1, 3, 4) Ua faamaonia le moni o lenei valoaga, i le faatupulaʻia o le faafitauli o le faaleagaina o le fanau. O lea la, o le upu Eleni aʹstor·gos, lea e faaliliuina i le faa-Peretania e “lē lotoaiga,” o lona uiga e lē o lava le alofa lea e tatau ona iai i se aiga, aemaise i le va o mātua ma le fanau.a A o le tele o taimi, o totonu lava o le aiga o loo faaleagaina ai le fanau.