-
Finafinau ia Avea ma Ē ManumaloFaaaliga—Ua Latalata Lona Tumutumuga Matagofie!
-
-
3. (a) O le ā le faalaeiauga na avatu e Iesu i Kerisiano i Semurana? (e) Aiseā na fetalai ai Iesu sa “tamaoaiga” Kerisiano i Semurana e ui sa latou matitiva?
3 “Ua ou iloa au galuega, ma lou puapuaga, ma lou mativa—a ua e tamaoaiga—ma le upu faifai a ē ua fai mai o Iutaia i latou, a e leai lava, a o le sunako o Satani i latou.” (Faaaliga 2:9) E leai se faitioga a Iesu mo ona uso i Semurana, na o le faamālō māfana. Ua mafatia i latou i puapuaga e tele ona o lo latou faatuatua. Ua matitiva i latou i le itu faaletino, atonu ona o lo latou faatuatua. (Eperu 10:34) Peitaʻi, o lo latou popolega autū, o mea faaleagaga, ma ua latou faaputuina ʻoa i le lagi, e pei ona fautuaina ai e Iesu. (Mataio 6:19, 20) O le mea lea, ua vaai ai le Leoleo Mamoe Sili iā i latou o nisi ē “tamaoaiga.”—Faatusatusa i le Iakopo 2:5.
4. O ai na mafatia tele ai Kerisiano i Semurana i teteega e tele, ma o le ā le tagaʻi a Iesu i na tagata tetee?
4 Ua mātauina faapitoa lava e Iesu le fesagaʻi ai o Kerisiano i Semurana ma teteega mai le nuu o Iutaia. Muamua atu, sa tetee maumauaʻi ai le toʻatele o lenei lotu i le salalau atu o le Faa-Kerisiano. (Galuega 13:44, 45; 14:19) Nei la, ua silia i le lua sefulu o tausaga talu ona mavae le paʻū o Ierusalema, ae o loo faaalia pea e na Iutaia i Semurana le agaga faasatani lava e tasi. E lētioa ona manatu Iesu iā i latou o “le sunako o Satani”!a
-
-
Finafinau ia Avea ma Ē ManumaloFaaaliga—Ua Latalata Lona Tumutumuga Matagofie!
-
-
a Pe tusa ma le 60 tausaga talu ona maliu Ioane, sa susunuina ma fasiotia ai Polycarp e 86 tausaga le matua i Semurana, talu ai sa ia lē taofia le faailoaina o lona talitonu iā Iesu. I le Martyrdom of Polycarp, o se tusi e talitonuina na tusia i le taimi tonu lava na tupu ai lenei mea, o loo taʻua ai e faapea, a o faaputuina fafie mo le afi, “sa matuā toʻaʻaga tagata Iutaia, e pei o la latou tū masani, i le lagolagoina o lenei mea”—e ui lava sa faia le faasalaga i “se aso Sapati sili.”
-