Faamanuiaga Tauatua mo “E Popoto”
O e popoto foi, e fepulafi i latou faapei o le pupula o le lagi; o i latou foi ua faaliliu ai tagata e toatele ia amiotonu, e pei o fetu i latou e faavavau, faavavau lava.”—TANIELU 12:3.
1. O le ā na toe uaʻi atu i ai le agelu, ina ua uma ona ia faamatala atu le oo mai o aso vale i ē fai taua?
UA AUMAIA i tatou e le valoaga a le agelu ia Tanielu, mai lava i lona fa o senituri T.L.M. e oʻo mai ia Amaketo. Ua na faaalia ai faapea o le a aumaia e Mekaeli le filemu i le lalolagi i le na o le auala tatau lava: e ala lea i le faaumatiaga o ē siitaua. O lea, ina ua uja o na faia i se iloiloga mataina āuiluma o le talafaasolopito, ona vavalo loa lea o le agelu e uiga i nisi o faamanuiaga e faaʻoaina ai ua olioli ai tagata o le Atua “i ona po amuli.”—Tanielu 10:14.
O se Taimi o Toetutū
2. Na faapefea ona toe “ala mai” nisi o ē ua feoti i “ona po amuli”?
2 Ua taʻu atu e le agelu ia Tanielu: “E toatele foi o e momoe i le efuefu o le eleele latou te ala mai, o isi i le ola e faavavau, a o isi i le faalumaina ma le inosia e faavavau.” (Tanielu 12:2) E manino lava, o “ona po amuli” o le taimi mo toetutū, e toe faatutuina ai ē o loo “momoe i le efuefu.” O se tasi o toetutū faapea na faia ina ua faatoa uma lava ona avea Iesu ma Tupu i le 1914. (Mataio 24:3) I le vaavaai atu i luma i lena taimi, an tusi ai le aposetolo o Paulo: “O i tatou o e ola ma totoe pe a afio mai le Alii, tatou te le muamua i e o momoe . . . e muamua foi ona toe tutū mia o e ua oti o ia Keriso.” (1 Tesalonia 4:15, 16; Faaaliga 6:9-11) O lea, e manino lava, ina ua mavae le 1914, sa leʻi pine lava ona faatutūina loa lea e Iesu i latou o i le “Isaraelu o le Atua” o e na maliliu a o tumau pea lo latou faamaoni i le olaga faaleagaga i le lagi. (Kalatia 6:16) O le toe tutū mo i latou, sa mo le “ola e faavavau.”
3, 4. Na faapefea i se vaega o auauna faamaoni a le Atua ona pei na ‘feoti’ i le 1918?
3 A e i upu a le agelu, sa mautinoa lava le aofia ai o se isi toetu. I le pe ā ma le 40 tausaga a o lumanai le 1914, na muaʻi lapataʻia ai se vaega toaitiiti o Kerisiano faapea, o lena tausaga o le a faailogaina ai le iʻuga o Taimi o Nuu Ese e pei ona sa valoia mai e Iesu. (Luka 21:243) O nei Kerisiano na resitara i le 1884 o Zionʻs Watch Tower Tract Society, ma na latou faaslalalauina faaiʻuga o ā latou sailiiliga i le Tusi Paia i se mekasini na faaigoaina o le Zionʻs Watch Tower and Herald of Christʻs Presence.
4 I le 1914, na matuā mataʻina le faaalia ai o le moni o la latou feau ina ua pa le taua muamua a le lalolagi, ma “o le amataga ia o puapuaga” e pei ona valia e Iesu. (Mataio 24:7, 8) E lē gata foʻi i leam a e na faaaogā e ō latou fili faalelotu tulaga lē pulea o le taua e sauāina ai i latou, seia oʻo ina mulimuli ane taofia la latou galuega talaʻi i le 1918, ma faafalepuipuiina ai ma le lē tonu ofisa sili o le Watch Tower Society. O le mafuaaga lenei na olioli ai nisi nofoaga. A e ua ia faataunuuina ai foʻi le valoaga o loo faamauina i le Faaaliga” “Pe a uma ona la faaiuina la la mau, ona sii mai lea o le taua ia te i laua e le manu feai le ua alu aʻe nai le to e le gata, e manumalo foi o ia ia te i laua, ma fasioti ia te i laua.”—Faaaliga 11:7.
5, 6. Na faapefea i mea na oo i lenei vaega i le 1919, ona saunia a i se faataunuuga o le valoaga faapea “e toatele foi o e o momoe i le efuefu o le eleele latou te ala mai”?
5 Peitaʻi, e tusa ma le valoaga, sa leʻi tumau ai pea ona ‘feoti’ i laua. “A ua mavae aso e tolu ma le vaeluagalemu o le aso, ona uluitino ai lea o i laua e le Agaga ola mai le Atau, oan la tutū i luga ai lea o la vae, ona oo ai lea o le mataʻu tele i e na matamata ia te i laua . . . Ona la o ae ai lea i le lagi i le ao, ua matamata foi ia te i laua o e na fia i laua mo latou fili.” (Faaaliga 11:11, 12; Esekielu 37:1-14) O lo la toetu na manino lava o se toetu faafaatusa, ona o le toetu moni faaleagaga i le ola i le lagi sa tatau ona lē vaaia e o latou fili. Na i lo o lea, na toe faatutūina aʻe i laua i se tulaga na pei ai na feoti ua lē toe gaoioi, i se tulaga tiotio ma le maelega i galuega, i le vaai atu i ai a latou o ē na tautogafau i lo latou iʻuga. I le 1919, na toe tatalaina ai sui o le Watch Tower Society mai le fale puipui, na toe faamaopoopoina ai loa le galuega talaʻi, ma na vaaia ai e le lalolagi le amataga aupito sili ona tele i le tauiviga o le molimauina atu o le Malo sa leʻi faapea ona i ai i le talafaasolopito.—Mataio 24:14.
6 I lenei uiga faafatusa, o le ‘toatele o i latou o loo momoe i le efuefu o le eleele na taoe ala mai.’ Ona amata loa lea i le 1919, e lena tino toaitiiti o Tagata Aʻoga o le Tusi Paia toe ala mai, oan saili ma aoaoina ē o totoe o uso o Iesu ina ia mafai ai ona faamaufaailoga le fuainumera atoa o le 144,000. (Mataio 24:31; Faaaliga 7:1-3) Ina ua tali mai nei tagata, na tuuina atu loa i latou i le Atau e ala ia Keriso, ma avea ai o sui o le faalapotopotoga vaaia a Ieova i luga o le lalolagi. I le mauaina o le mea foaifuaina o le agaga paia, ua taʻuamiotonuina ai i latou e ala i lo latou faatuatua i le taulaga togiola a Iesu, ma ua avea ai i latou o atalii o le Atua i le itu faaleagaga.—Roma 8:16; Kalatia 2:17; 3:8.
7. Ua faamaonia faapefea e lenei mea mo le toatele o i latou, o le a i ai se toe ala mai i le “ola e faavavau faavavau lava?
7 O nisi o i latou o ē tumau pea lo latou faamaoni seia oʻo i le i le iʻuga o ō latou olaga faalelalolagi, ua i ai latou se faamoemoe mausali o le i ia faatasi ma Iesu Keriso i le lagi. (1 Korinito 15:50-53) O lea, o lo latou ala mai faaleagaga e mo le ola e faavavau. A o ola pea i le lalolagi, latou te faatino ai le filemu i totonu o i latou lava e ui ina o loo nonofo i se lalolagi fai taua. (Roma 14:19) A e o le mea e sili ona tāua, ua latou olioli i le filemu ma Ieova le Atua lava ia, “o le (filemu) foi mai le Atua, o loo silisili lava i mea uma e manatu i ai.”—Filipi 4:7, NW.
Ala Mai i le “Faalumaina”
8, 9. O le ā le auala o le a i ai lenei ala mai faaleagaga mo isi i le “faalumaina ma le inosia e faavavau”?
8 O lea, ai se ā o le a “ala mai (ai) . . . i le faalumaina ma le inosia e faavavau” nisi? O le mea moni, e lē faapea o le atumau pea i le faamaoni i latou uma na talia le valaau ina ia avea ma vasega o lena Malo. Na tuu atu e nisi lo latou faatuatua ia faavaivaia ma ua le mafai ai ona latou tumau. (Eperu 2:1) Na oo lava foʻi ina aposetate nisi e toaitiiti ma tuuesea ai mai le faapotopotoga Kerisiano. (Mataio 13:41, 42) O tagata faapena na faamatalaina e Iesu e pei o lena “auauna leaga” o lē na “matuā faasala” e lona Matai, ma tofia o ia faatasi ma tagata pepelo. “E i ai le taufaitagiaue ma le lilivau o nifo.”—Mataio 24:48-51; Efeso 4:18; 5:6-8.
9 Pagā se toilalo, i le talia o se faaeaga aupito sili ona maualuga sa leʻi faapea ona ofoina mai i e fanau lē lelei atoatoa faaletagata, a e o lea ua toe liliu ma fulitua i ai! Na faapea mai le aposetolo o Paulo e faatatau ia i latou na faia amioga faapena: “Auā e le mafaia ia te i latou e na muai faamalamalamaina, na latou tofo foi i le mea foaifuaina mai i le lagi, ma ua faatofutofusia i le Agaga Paia, o e ua tofo foi i le upu lelei a le Atua ma le mana o le ola atali, ma ua pauu i latou, e le mafaia ona toe faafouina o i latou ina ia salamo, ina ua toe faasatauroina e i latou lava le Alo o le Atua, ma faainosia o ia i luma o tagata.” (Eperu 6:4-6) O le auala lenei ua “faalumaina ma le inosia e faavavau” ai lo latou ala mai. Ua leai lava se isi ō latou faamoemoe mo le ola e faavavau.
“Pupula . . . Faapei o Mea e Faamalamalamaina aʻi”
10. O ai “e popoto,” ma e faapefea ona latou ‘pupula e pei o mea e faamalamalama aʻi’?
10 A e mo i latou o tumau pea i le faamaoni, fai ma i le valoaga: “O e popoto foi, e fepulafi i latou faapei o le pupula o le lagi; o i latou foi ua faaliliu ai tagata e toatele ia amiotonu, e pei o fetu i latou e faavavau faavavau lava.” (Tanielu 12:3) “O e popoto” ua manino lava o i latou o sui o le vaega totoe faamaoni o le faapotopotoga Kerisiano faauuina, o ē ua ‘faatumuina i le poto saʻo e uiga i lona finagalo, i le atamai uma lava atoa ma mafaufauga faaleagaga.’ I le faamalosia e Ieova, na latou ‘tumau atoatoa ai ma onosai ma le olioli, ma faafetai atu i le Tamā o lē na tuuina atu ia te i latou le tofi e tatau ai ona latou i ai i i le nofoaga o le ʻau paia o i le malamalama.’ (Kolose 1:9, 11, 12) Talu mai lava le 1919, e ui lava na ‘ufitia e le pogisa le lalolagi, ma o le pogisa tele na faamalumalu ifo i vaega faalemalo,’ a e na latou susulu atu pea i ai e pei “o mea e faamalamalama aʻi” i totonu o le fanau a tagata. (Isaia 60:2; Filipi 2:15; Mataio 5:14-16) Ona pupula ai lea o i latou “e pei o le la i le malo o lo latou Tamā.”—Mataio 13:42.
11. O le ā le auala ua faamaonia ai o “e popoto” o i latou na ua “faaliliuina ai tagata e toatele ia amiotonu”?
11 Ua faapefea ona faamonia i latou faapea “o i latou foi ua faaliliu a i tagata e toatele ia amiotonu”? (Tanielu 12:3) Faafetai ona o la latou molimau atu ma le faamaoni, ua aoaoina ai nei i latou o ē totoe o le Isaraelu faaleagaga ma ua taʻuamiotonuina mo le ola i le lagi. E faaopoopo atu i ai, o le motu o tagata e toatele “o isi mamoe” ua faaalia i latou lava, ua lolofi atu i le malamalama mai ia Ieova e pei ona faaatagia e ‘tagata o Tanielu.’ (Ioane 10:16; Sakaria 8:23) Ua aufaatasi nei ma le loto “isi mamoe” ma le vaega faauuina, i la latou galuega o le talaiʻina o le “tala lelei.” Mataio 24:14; Isaia 61:5, 6) Ua latou faatuatua foʻi i le faamaligiina o le toto o Iesu, o lea ua taʻuamiotonuina ai i latou faamaoni seʻi oo i le iʻuga, o le a faaauau pea ona maua o latou igoa “ua tusia i le tusi.” O lea, o le a faatalitali ai i latou e faasaoina mai i taimi sili o mala o puapuaga, sa leʻi fapea ona taia ai o nuu.—Tanielu 12:1; Mataio 24:13, 21, 22.
“E Fepulafi i Latou . . . e Faavavau”
12, 13. (a) Ua faapefea ona mafai e i latou o “e popoto ona fepulafi . . . e faavavau”? (e) A e faapefea i le isi itu ona faamaonia, “o i latou foi ua faaliliuina tagata e toatele ia amiotonu”?
12 Na taʻu atu e le agelu ia Tanielu: “O e popoto foi, e fepulafi i latou faapei o le pupula o le lagi, . . . e pei o fetu i latou e faavavau faavavau lava.” (Tanielu 12:3) E faapefea ona fepulafi e faavavau ē faauuina, ona e talu ai e mulimuli ane o le a feoti i latou uma? I lena, o le a faaauau ai pea ona latou “fepulafi” e tusa lava pe ua mavae ona feoti. I le faamatalaina o i latou i lo latou tulaga faalelagi, ua taʻu mai e Iesu ia i tatou i le tusi o Faaliga: “E i ai foi le nofoālii o le Atua ma le Tamai mamoe i le (aai), o ana auauna foi latou te tuuina atu ia te ia le (auaunaga paia) latou te vaavaai atu foi i ona fofoga, e iai foi i o latou muaulu lona suafa. E leai lava se po i lea mea, e le aoga fio ia te i latou se lamepa, po o le malamalama o le la; auā o Ieova le Atua na te faamalamalamaina i latou; latou te fai ma tupu foi e faavavau faavavau lava.”—Faaaliga 22:3-5,NW.
13 Ioe, o i latou nei ua toe faatutuina o le a pule o ni tupu e pei o fetu i le lagi, “e faavavau faavavau lava” O lo latou malamalama faaleagaga o le a aumaia ai faamanuiaga sili i le fanau a tagata. (Faaaliga 14:13) I le faaigoain ao i latou o le “Ierusalema Fou,” ua faamatala mia e le tusi o Faaaliga: “E le aoga foi i le aai ona pupula i ai o le la, po o le masina; auā o le pupula o le Atua ua faamalamalamaina ai ia, o le Tamai mamoe foi o lona lamepa lea. O nuu foi o e ua faaolaina latou te savavali i lona malamalama; o tupu foi o le lalolagi latou te au mai i ai o latou mamalu ma viiga.” (Faaaliga 21:2, 9, 23, 24) O le a fesoasoani foʻi i latou ua toe faatutuina i le faatatauina o aogā o le taulaga togiola “e faamalolo ai nuu.” (Faaaliga 22:2) Pe a oo i le faaiʻuga o le Pulega o le Afe o Tausaga, o le a toe faafoisia ai e Iesu ma lana 144,000 o tupu lagolago ma faitaulaga tagata faamaoni i le lelei atoatoa, o le mea moni o le a latou faaliliiu ai “tagata e toatele ia amiotonu.” Pe a uma le tofotofoga mulimuli i lena taimi, o le a faia aʻe ai e le fanau a tagata ua toe faafoisia i le lelei atoatoa se sosaiete lelei atoatoa faaletagata e ola i le lalolagi parataso e faavavau. (Faaaliga 20:7-10; Salamo 37:29) I lenei auala, o iʻuga vaaia o le mamalu faalelagi o ‘tagata o Tanielu’ o le a tumau foʻi “e faavavau faavavau lava.”
Le Isi Toetu
14. O ai isi o le a aofia ai i le valoaga faapea “e toatele foi o e momoe i le efuefu o le eleele latou te ala mai”?
14 O lea, o upu a le agelu ua avatu ai i tatou i tala atu o le taimi na ‘tulaʻi’ ai Mekaeli, ma le taimi e lē ma faatusatusaina o le “oo mai . . . o aso vale” i totonu o le faiga fou o mea. E lē gata i lea, o faamanuiaga e ala mia ia i latou nei e pupula e “pei o fetu” o le a lē faatapulaaina ia ia latou o le a faasaoina i le “oo mai . . . o aso vale.” A o i ai pea Iesu o se tagata i luga o le lalolagi, na ia fetalai: “E oo mai le aso e faalogo ai i lona leo o i latou uma ua i tuugamau, ma latou o mai ai; o e na amioa lelei e toe tutū i le ola; a o e na amio leaga, e toe tutū i le faasala.” (Ioane 5:28, 29) O nei upu e faasino i le toe tū faaletino o le fanau a tagata ua feoti, ma e leai se faaletonu o lenei toe tū o se faataunuuga tele o upu a le agelu: “E toatele foi o e momoe i le efuefu . . . latou te ala mai.”—Tanielu 12:2.
15. E mafai faapefea ona faamaonia le ala mai i le “ola e faavavau” mo i latou ua toe faatutuina i lea taimi?
15 Faatasi ma i latou o le a ala mai i lenei toe tū faapitoa, o Tanielu lava ia. Na taʻu atu e le agelu ia te ia: “A o oe ia e alu atu seia oo i le iuga, auā e te malolo (moe i le oti), e te tu mai foi i lou tofi pe a oo i le iuga o aso.” (Tanielu 12:13) O lea, o i latou o ē toe faatutuina faapei o Tanielu i lea taimi, ma latou te tali atu i le faiva a Iesu ma ona uso mai le lagi, o le a toe faatutuina i le lelei atoatoa faaletagata. Pe a latou manumalo mai le tofotofoga mulimuli, o le a tusia loa e faavavau ō latou igoa i le tusi o le ola. (Faaaliga 20:5) Mo i latou foʻi na, o lo latou toe ala mai e “faavavau faavavau lava.”
16. O le toe ala mai i le faiga fou o mea, ua faamaonia lona “inosia e faavavau” mo ai?
16 Peitaʻi, o le a lē tali atu fapena tagata uma. O le a taumafai nisi e toe aumai faiga ia na faoa ai le filemu o le tagata mo se taimi umi. Ua i ai foʻi i le Tusi Paia se lapataʻiga tatau mo i latou na: “A o e loto vaivai, ma e lē faalogo, ma e fai mea e inosia, ma e fasioti tagata, ma e faitaaga, ma e faataulāitu, ma e ifo i tupua, atoa ma e tala pepelo9 uma, e fai o latou tofi i le lepa e mu i le afi ma le teiō, o le oti faalua lea.” (Faaaliga 21:8) O lenei “oti faalua,” o se faamasinoga tuusaʻo mai ia Ieova, lea e leai se toetu. E faavavau, ua matuā galo nimo. O i latou o le a toe faatutuina o ē ua faamaonia lo latou lē talisapaia, o le a puapuagatia i lenei lava oti faalua; o lea, o lo latou ala mai o le a “faalumaina ma le inosia e faavavau.”—Tanielu 12:2.
“E Tupu Tele foi le Malamalama”
17. E faapefea ona tatou iloa, o le valoaga e uiga i le tupu o le itu i matu ma le tupu i le itu i saute, na faamauina patino lava e aogā mo i tatou i aso nei?
17 Ona fautua atu loa lea o le agelu ia Tanielu: “A o oe Tanielu e, ia e pupuni o ia upu, ma faamaufaailogaina le tusi, seia oo i ona po o le iuga; e fetaufetuliʻai tagata e toatele, e tupu tele foi le malamalama.” (Tanielu 12:4) Ua puea e nei upu o tatou manatu. E ui lava o le valoaga a le agelu e uiga i tupu e toalua na amata ona faatunuuina i le 2, 300 tausaga ua mavae, a e ua tatalaina nei lona malamalamaga, a e maise lava “i ona po o le iuga,” e patino lava talu ma i le 1919. I nei aso, “e fetaufetuliaʻi tagata e toatele” i le Tusi Paia, ma ua mautinoa lava le tupu tele o le malamalama. O le taimi la lenei ua tuuina mai ai e Ieova le poto i ē malamalama.
18. (a) O ā vaega autū o le valoaga ua uma nei ona faataunuuina pe ua toeitiiti faataunuuina? (e) O le ā le uiga paleni ua aumaia e lenei mea ia i tatou?
18 O le mea moni faapea o nisi o taualumaga o le valoaga ua uma ona faataunuuina i le tele o senituri ua mavae, ua avea lea ma mea e faamalosia ai lo tatou faatuatua i vaega e leʻi faataunuuina o le valoaga. (Iosua 23:14) O loo auai le lalolagi aso nei i se tosoga o le taua i le va o le tupu o le itu i matu ma le tupu o le itu i saute, e pei lava ona valoia e le agelu. E lē gata i lea, a e ua lapataʻi mai foʻi le valoaga e uiga i taimi e aupito sili ona mataʻutia o loo i luma. O lea, ua fesoasoani ai ia i tatou ina ia tausia le tulaga paleni lelei, a e ia aloese mai le taaina i faatosinaga a se tasi o nei tupu. O le taimi lenei e faamalosia ai lo tatou faatuatua ia Ieova. Aua lava neʻi galo faapea o “Mekaeli o le (perenise) sili” ua “tulai” ona o tagata o le Atua. O le gauaʻi i le malo o le Atua i lalo o Keriso Iesu, ua na lea lo tatou faaolataga mautinoa.—Galuega 4:12; Filipi 2:9-11.
19 O le ā le uiga o upu a le agelu ia Tanielu mo i tatou taitoatasi?
19 O lea, ia tumau i le latalata atu “i e popoto,” o ē o loo ‘fepulafi e pei o le pupula o le lagi.’ Ia tumau ona aasa i le galuega mo le Malo o le Atua. (1 Korinito 15:58; Roma 15:5,6) Ia faaloloto lou alofa i le upu moni o le Afioga a le Atua, ma ia faatāuaina loloto le filemu o loo i ai nei i totonu o le faalapotopotoga a le Atua. (Salamo 119:165; Efeso 4:1-3; Filipi 2:1-5) O lea, pe a ‘tulaʻi’ Mekaeli e olopalaina fili o Ieova, e mafai ona tatou sosola, faatasi ai ma tagata uma lava o le Atua o ē ua iloa o latou igoa “ua tusia i le tusi.”
E Mafai ona E Taliina?
O le ā le auala ua uma ai ona i ai le ala mai “o le toatele o e momoe i le efuefu o le eleele”?
E mafai faapefea ona liua lenei ‘ala mai’ e avea “ma faalumaina” mo nisi?
E faapefea i “e popoto” ona pupula e pei o mea e faamalamalama aʻi, ma faaliliu ai le toatele ia amiotonu?
O le ā le faataunuuga i le lumanaʻi e tusa ai ma le toe ala mai o i ‘latou ua momoe i le eleele’?
Ua faapefea ona faataunuuina le Tanielu 12:4?
[Ata i le itulau 23]
Talu mai le 1919 na faasusulu atu ai e ē popoto upu moni e maua ai le ola
[Ē Ana le Ata]
NASA photo