O Se Tupu Faalelagi e Aumaia Faamanuiaga i Le Lalolagi

41 Ua faia e Ieova Iesu ma Tupu i le lagi.—Isaia 9:6; Tanielu 7:13, 14; Galuega 2:32-36

42 O le a pule o ia i le lalolagi atoa.—Tanielu 7:14; Mataio 28:18

43 Pe e te manatua o le ā o le a tupu i tagata leaga?—Salamo 37:9, 10; Luka 13:5

44 Pe e te manatua le igoa o le agelu muamua lea sa agasala? O le a aveesea e Iesu o ia ma isi agelu leaga. O a latou tupua ma faatusa o le a faaumatia.—Eperu 2:14; Faaaliga 20:2, 10

45 O le a faia e Iesu le tele o mea lelei mo tagata usiusitai.—Eperu 5:9

46 E le toe i ai se tasi e maʻi.—Isaia 33:24; Faaaliga 22:1, 2

Pe e te manatua pe na faapefea ona faamaloloina e Iesu tagata mamaʻi?

47 O le a maua e tagata uma mea lelei.—Isaia 65:17, 21-23

48 E manatua foi e le Atua tagata ua feoti. O le a ia faaaogaina Iesu ina ia toe faafoisia mai ai i latou i le ola. Ua taʻua lenei mea o le toe tutu.—Ioane 5:28, 29; 11:25

49 A uma loa ona faaumatia tagata leaga uma, ona lē toe oti ai o se tagata. E oo foi i manu feai o le a lē toe mataʻutia. O soo se tasi o le a fiafia e faavavau.—Faaaliga 21:4; Isaia 65:25; Salamo 37:11, 29