O Ai na Foafoaina Oe?

1 Sa faia e le Atua le lagi ma le lalolagi.—Kenese 1:1

2 E i ai se suafa o le Atua. O lona suafa o Ieova.—Salamo 83:18

E afio Ieova i le lagi. O ia o se agaga. E le mafai ona e vaai i a te ia.—Isaia 66:1; Ioane 1:18; 4:24

3 Na faia e Ieova le Atua le tele o agelu i le lagi. O i latou foi o agaga. Sa lelei uma i latou. I taimi ua mavae, latou te faia ai ni tino tagata i ni isi taimi ina ia mafai ai e tagata ona vaaia i latou.—Eperu 1:7

4 Na faia e Ieova mea ola i se taimi umi lava a o lei faia le tagata.—Kenese 1:25

5 Sa faia foi e Ieova se tamaloa sa igoa i a Atamu ma lana avā sa igoa i a Eva.—Kenese 1:27

Sa tuu e le Atua i laua i se faatoaga matagofie, po o le parataiso. Sa na faia e na o le tasi le avā mo Atamu. Sa tatau i le tamaloa ona faatasi ma lana avā e tasi.—Kenese 2:8, 21, 22, 24

6 O le tagata o se tagata ola (soul).—Kenese 2:7

7 O manu o ni mea ola (souls).—Kenese 1:24

Aiseā e Oti ai Le Tagata?

8 Sa finagalo Ieova le Atua mo le tagata ia faia le lalolagi atoa e matagofie—o se parataiso mo tagata uma e olioli ai.—Kenese 1:28

Sa ono mafai ona ola e faavavau tagata, pe ana usiusitai Atamu ma Eva i a Ieova. Sa taʻuina atu i a i laua e aua le ʻaia le fua o le laau e iloa ai le lelei ma le leaga.—Kenese 2:15-17

9 Sa oo ina leaga se agelu ma ona faaaogaina se gata e faapogaia ai ona lē usiusitai Atamu ma Eva e le Atua.—Kenese 3:1-6

10 O le agelu o le na faaoleoleina Eva ua oo ina taʻua ‘o le gata tuai, le Tiapolo i le ma Satani.’—Faaaliga 12:9