Faasilasilaga

◼ Tesema: Le Tagata Silisili o Ē Uma na Soifua Mai. Ianuari: Laʻu Tusi o Tala o Le Tusi Paia. Fepuari: Le Ala e Maua ai le Fiafia i le Aiga. Mati: Le Poto e Taʻitaʻia ai i le Ola e Faavavau. Aperila ma Me: O kopi taʻitasi o Le Olomatamata ma le Ala Mai! Ia iai ni polosiua o le Manaomia mo tagata loto fiafia, ma taumafai e amataina ai ni suʻesuʻega faale-Tusi Paia i aiga.

◼ Ua tatau i faapotopotoga ona amata talosagaina tuufaatasiga o le Watchtower ma le Awake! mo le 1999, i le ota o a latou lomiga ia Tesema. O le a maua tuufaatasiga i le gagana Eleni, Iapani, Italia, Falani, Peretania, Polani, Potukali, Saina, Sepania, Siamani, Hagakeri, Korea, Romania, Rusia, ma le gagana Croatia. O le a iai pea tuufaatasiga i le lisi o lomiga a le faapotopotoga faapea “Back Ordered” seʻiloga ua maua ma aauina atu. O tuufaatasiga o ni tusi e talosagaina faapitoa.

◼ E tatau i le ovasia taʻimua po o se tasi na te tofia ona suʻeina tusi a le faapotopotoga ia Tesema 1 po o se vave e mafai ai mulimuli ane. Pe a uma ona fai o lena mea, ona faasilasila atu lea i le faapotopotoga pe a uma ona faitau mai le tala o le tupe o le isi masina lea e sosoo mai.

◼ O le Faamanatuga mo le tausaga e 2001 o le a paʻū i le Aso Sa, Aperila 8, pe a goto le la. Ua faailoa mamao atu lenei faaaliga ina ia mafai ai e uso ona taofia pe faia ni feagaiga mo ni fale e mafai ona avanoa pe afai e sili atu i le tasi se faapotopotoga o loo faaaogāina le Maota o le Malo e tasi ma e tatau ona sailia nisi fale. E tatau i toeaina ona faia se maliega ma ē pule i na fale ina ia faamautinoa ai o le a leai se mea e faalavelavea ai le fale ina ia mafai ona toʻafilēmū ma sologa lelei le faagasologa o le Faamanatuga. Ona o le tāua tele o lea sauniga, o le tofiaina la o se failauga mo le Faamanatuga, e ao ai i le autoeaina ona filifilia se toeaina mai le toʻatele o toeaina e sili atu ona agavaa, na i lo o le na ona feauauaʻi pe faaaogā le uso lava lea e tasi i tausaga uma. Ae o le a faia se fesuiaʻiga pe afai e iai se toeaina agavaa o le vaega faauuina e mafai ona faia le lauga.

◼ A o faagasolo Tesema, o le a aauina atu ai i faapotopotoga uma se sapalai o pepa e fai ai faamaumauga o galuega faaletausaga a le faapotopotoga. O le a faatuātusi atu le afīfī o pepa e faapea, “Ia Tatalaina e le Failautusi” (To Be Opened By Secretary). O le a tofu le afīfī ma se lisi o faatonuga e fafao atu ai. E tatau i le failautusi ona faamautinoa o le a faaaogāina uma nei pepa e tusa ai o le fuafuaga na saunia ai.

◼ Lomiga Fou ua Maua:

2000 Calendar—faa-Falani, faa-Peretania, faa-Sepania

Lipoti o le Auaunaga mo Setema

Samoa

Aofaʻi o:

Itula Mekasini Toe Asiga Suʻesuʻega

ʻAOFAʻI

Pae. Faa 6 128.3 97.7 58.0 5.7

Pae. Sau. 55 54.4 51.4 21.8 2.9

Pae. Lago. 15 50.1 42.9 16.8 2.4

ʻAu Talaʻi 295 11.4 13.3 3.5 .5

ʻAOFAʻI 371 O Ē na Papatiso: 19

Amerika Samoa

Aofaʻi o:

Itula Mekasini Toe Asiga Suʻesuʻega

Pae. Faa 1 106.0 114.0 63.0 7.0

Pae. Sau. 15 66.2 60.9 22.3 3.5

Pae. Lago. 5 50.4 59.6 21.8 1.8

ʻAu Talaʻi 162 11.0 12.7 3.2 .7

ʻAOFAʻI 183

Toga

Aofaʻi o:

Itula Mekasini Toe Asiga Suʻesuʻega

Pae. Faa 8 123.8 127.0 69.9 8.4

Pae. Sau. 13 74.1 44.3 25.5 4.0

Pae. Lago. 3 47.7 64.3 11.0 4.0

ʻAu Talaʻi 88 11.8 37.5 4.7 .9

ʻAOFAʻI 112

Toelau

Aofaʻi o:

Itula Mekasini Toe Asiga Suʻesuʻega

ʻAu Talaʻi 2 11.0 27.0 7.5 1.0

ʻAOFAʻI 2

Le Aʻoga o le Faiva Faatiokarate mo le 2000

¹ Ua faamaonia le avea o le Aʻoga o le Faiva Faatiokarate ma faamanuiaga tele mo tagata o Ieova. I le silia ma le 50 tausaga ua mavae, ua fesoasoani ai lenei aʻoga i le faitau miliona e atiina aʻe o latou tomai o ni failauga i le lautele ma ni faiaʻoga o upu moni o le Tusi Paia. (Sala. 145:10-12; Mata. 28:19, 20) Po o mafai ea ona e iloaina le auala o fesoasoani ai lenei aʻoga ia te oe? E mafai ona aogā pea mo oe a o faagasolo le 2000 pe afai e faia ai sou sao atoatoa ma faatatauina fautuaga o loo tuuina mai.

² O taʻiala e faatatau i tofiga ma lomiga o le a faaaogāina ua lisiina mai i le itulau muamua o le faasologa o le aʻoga mo le 2000. O loo talanoaina ai le taimi faatulagaina mo vaega taʻitasi, lomiga e maua ai lauga, le auala e tauaaoina atu ai le mataupu, faapea ma isi lava faamatalaga. Faamolemole ia faaalu le taimi e faitauina ai taʻiala ma le faaeteete ma faatatauina. Mo lauga e faavae mai se tagata o loo taʻua i le Tusi Paia, e tusa lava pe e te lē malamalama i le faa-Peretania, ae mafai ona e faaaogā mau o loo faasino mai i le mataupu o le Insight e fafau mai ai lau lauga, auā o loo mafai ona e faitauina na mau i lau Tusi Paia faa-Samoa. Atonu foʻi e iai se tala e uiga i lena tagata i Laʻu Tusi o Tala o le Tusi Paia, po o se uso foʻi e malamalama i le faa-Peretania e mafai ona fesoasoani atu e faamalamalama ia te oe le mataupu o loo iai i le Insight.

³ Faitau Tusi Paia Faalevaiaso: E lua ni polokalame eseese mo le faitau Tusi Paia faalevaiaso o loo lisiina mai i le faasologa o le aʻoga. O le tasi o le polokalame faatulagaina o le faitau tusi e faaaofia ai itulau e lima o le Tusi Paia. E faavae mai manatu tāua mai le Tusi Paia i lenei faitau tusi. E iai le isi polokalame faaopoopo mo le faitau tusi ma e faaluaina le telē o le vaega e faitauina. O le mulimuli atu i lenei polokalame, o le a mafai ai ona e faitauina le Tusi Paia atoa i totonu o le tolu tausaga. O le tulaga malamalama e faapea o nisi atonu e mananaʻo e faitau e sili atu ma le mea ua faatulagaina i le polokalame faaopoopo, ae atonu o nisi e lē mafai ona latou tausisia lena faasologa. Na i lo le faatusatusa atu o oe i isi, ia maua le ʻoliʻoli i le mea e te mafai ona fai. (Kala. 6:4) O le mea e sili ona tāua o le faitauina lea o le Afioga a le Atua i aso taʻitasi.—Sala. 1:1-3.

⁴ Ina ia auai i le Aʻoga o le Faiva Faatiokarate, e tatau ona e talanoa atu i le ovasia o le aʻoga. Faamolemole ia e manatu mamafa i ou tofiga, ae aua le tolopōina ona o ni māfuaaga lē talafeagai. Ia talisapaia le aʻoga o se sauniuniga mai ia Ieova. Ia sauniuni lelei, ia e matuā faamasani i mataupu ua tofia ai oe, ma tautala atu mai le loto, ma faapea ai ona maua aogā atoatoa mai lenei aʻoga e lē mafaatusalia.