Tala Faatiokarate

Sili: Mai le 42,778 o tagata talaʻi na lipoti atu i le masina o Aperila, e 8,680 sa paeonia. Na latou ausiaina se tumutumuga fou e 2,820 o paeonia sauatoa. O le aofaiga o o latou itula na lipotia ia Aperila e 1,009,001.

Lesoto: E 1,895 le aofaiga o tagata talaʻi na lipoti atu i le masina o Aperila, e tusa o le 19 pasene lea ua sili atu ai na i lo o le tuufaatatau o le aofaiga o le tausaga ua mavae.

Potukale: Na latou ausia se tumutumuga fou e 41,472 o tagata talaʻi i le masina o Aperila. Sa iai foi ni a latou tumutumuga fou i le aofaiga o itula, o toe asiga, ma suesuega faale-Tusi Paia i aiga.

Venesuela: O le galuega mamafa a tagata talaʻi e 62,074 ia Aperila na iu ai i ni tumutumuga fou o itula, toe asiga, ma suesuega faale-Tusi Paia i aiga.

Suesuega Tau Tusi a le Faapotopotoga

Faasologa mo suesuega a le faapotopotoga i le tusi E Mafai ona E Ola e Faavavau i Parataiso i Le Lalolagi:

Mai: E oo i le:

Setema 6: Itu. 203 ¶ 1 Itu. 207 ¶ 14

Setema 13: Itu. 208 ¶ 1 Itu. 211 ¶ 11

Setema 20: Itu. 212 ¶ 12 Itu. 215 ¶ 21

Setema 27: Itu. 216 ¶ 22 Itu. 220 ¶ 8

Faasilasilaga

◼ O lomiga nei e faaaogā ia Setema: E Mafai ona E Ola e Faavavau i Parataiso i Le Lalolagi. Oketopa: O kopi o le Awake!, Le Olomatamata ma le Watchtower. E mafai ona ofoina atu tusiga pe a faia ni toe asiga. Novema: Pe Ao ona E Talitonu i le Tolutasi? Tesema: Laʻu Tusi o Tala o Le Tusi Paia. MĀTAU: O faapotopotoga o le a latou manaomia lomiga ua taʻua i luga mo a latou tauiviga e ao ona talosagaina nei tusi i le isi a latou pepa faatumu faalemasina o sosoo mai, le Literature Request Form (S(d)-14). Faamolemole, ia talosaga mai mo nisi mekasini faaopoopo mo le tufatufaina ia Oketopa.

◼ E tatau i le ovasia taʻitaʻi po o se isi na te tofiaina, ona suʻe faamaumauga uma o tupe a le faapotopotoga ia Setema 1 po o se isi taimi vave e mafai ai mulimuli ane. Ia faasilasila atu i le faapotopotoga lenei gaoioiga pe a maeʻa ona faataunuuina.

◼ E amata atu ia Novema 15, 1993, seia oo ia Fepuari 24, 1994, ona suesueina i Suesuega Tau Tusi a le Faapotopotoga le polosiua Pe Ao ona E Talitonu i le Tolutasi?

◼ O tagata talaʻi uma o loo fuafua e mananao e paeonia lagolago ia Oketopa, ua tatau nei loa ona vave ona tuuina atu a latou pepa talosaga. O lenei faatulagaga o le a mafai ai e toeaina ona latou faia ni fuafuaga talafeagai mo lomiga, atoa foi ma lo latou fuafuaina o le oganuu.

◼ E toe fia faamanatu atu foi i le au toeaina ina ia latou mulimuli i faatonuga na tuuina atu i itulau e 17-19 o Le Olomatamata o Aokuso 15, 1991, e faatatau i so o se tagata ua faateaina po o sē ua vavae ese, ae ua aliali mai ua iai sina ona naunau mo le toe fia faaeaina.

◼ Ua sauniunia nei se lisi fou mo le Watchtower Publications List ma ua aauina atu ona kopi e fa i faapotopotoga taitasi. E tatau ona tufatufaina atu i le failautusi ma uso o loo vaavaaia tusi, o mekasini, ma tupe.

◼ Ua sauniunia nei e le Sosaiete ni tuufaatasiga faa-Peretania o le Watchtower mo tausaga e amata mai i le 1970 e oo atu i le 1979, ina ia avea ma lomiga tumau. So o se tasi e manao na te fia maua nei tuufaatasiga, e tatau ona ia faatalosaga atu e auala i le faapotopotoga. Faamolemole, ia manatua o tuufaatasiga, o ni lomiga e faapitoa ona talosagaina.

E Aogā i Isi le Faaaogāina o Mekasini

¹ Maeu so tatou fiafia i le mauaina o lomiga fou o Le Olomatamata ma le Awake! Tatou te faatauaina le avanoa ua tatou maua ina ia faitauina ai nei lomiga i se vave e mafai ai, ina ia aogā ia i tatou faamatalaga o loo auina mai ai. E lē gata i faamatalaga e aogā patino ia i tatou, ae lelei foi le sailia o ni manatu e ono faaaogā i le ofoina o mekasini i isi. Atonu tatou te mananao e faailoga ni vaega o le a fiafia tele i ai ē o loo nonofo i la tatou oganuu, po o le fai foi o ni faamaumauga i autafa o a tatou lomiga ina ia faamanatu mai ai ia i tatou manatu e ono talanoaina ma le auala e mafai ona tauaao atu ai le mataupu i tagata o lou lava vaipanoa.

² O loo tumau pea le tāua o a tatou mekasini. E ui tatou te uai patino i le ofoina o mekasini fou, ae o le a lē faatalale ai foi i lomiga tuai, auā e lē o tuai ai fua mataupu o loo iai. Ia teu pea ni lomiga tuai i lau ato tusi, e faaleoleo ai pe a oo ina molimau atu. Atonu e aogā na kopi pe a iloa le manaoga patino o lē ona le fale. Afai e tuu se mekasini tuai, e fetaui lava le taʻu faapuupuu atu i lē ona le fale sona avanoa e faimeaalofa ai i le galuega i le lalolagi aoao.

Ia Suesue Tusi o le Ola e Faavavau ma le Autasia i le Tapuaiga

¹ O sāvali, o polosiua, o mekasini, ma tusi—e mafai ona faaaogā uma lava ina ia tamua ai ni suesuega faale-Tusi Paia i aiga ma tagata e loto naunau fiafia. Talu ai le alumia tele ma le faaoso naunau o le tusi The Greatest Man Who Ever Lived, ua faaaogā ai mo le amataina o suesuega. O le mea moni, e tatau ona faalaeiau atu i tagata uma ina ia faitau ma suesueina lenei tusi.

² Peitai, e lua ni tusi patino e ao ona suesueina ma ē fou, e fesoasoani ai ia i latou ina ia malamalama i aʻoaʻoga faavae o le Tusi Paia, ma faatulagaga faa-Kerisiano mo le olaga. O tusi nei: E Mafai ona E Ola e Faavavau i Parataiso i Le Lalolagi ma le Autasia i le Tapuaiga i le Atua Moni e Toatasi lea sa faasolosolo atu i Le Olomatamata. Ua fautuaina o le taimi lava e mafai ai, ona ao lea i ē o loo faaaogāina isi lomiga e faia ai ni suesuega faale-Tusi Paia ona sui i se tasi o nei tusi. Pe afai o le tusi o le Greatest Man lea sa suesueina, ia faalaeiau le tagata aʻoga e faaauau pea lona faitauina o le tusi. E tatau ona faaauau le suesuega faale-Tusi Paia seia oo ina maeʻa lelei nei tusi o le Ola e Faavavau ma le Autasia i le Tapuaiga, e tusa lava pe papatiso le tagata a o leʻi uma le tusi lona lua. O lenei faatulagaga o le a faateleina ai le poto ma le mautu faaleagaga o le tagata aʻoga o le Tusi Paia.