Mea ia Manatua mo le Faamanatuga

O le faamanatuina o le Faamanatuga i lenei tausaga, e paʻū i le Aso Sa, Aperila 8. O mea nei e tatau i toeaina ona uaʻi i ai:

◼ I le faatulagaina o le taimi mo le sauniga, ia faamautinoa e aua le tufaina atu le areto ma le uaina seʻiloga ua goto le lā.

◼ E tatau ona faailoa atu i tagata uma lava e aofia ai ma le failauga le taimi tonu ma le nofoaga e fai ai le Faamanatuga.

◼ E tatau ona mauaina se areto ma se uaina talafeagai ma ia saunia.—Tagaʻi i Le Olomatamata o Aokuso 1, 1985, itulau e 19.

◼ O ipu mafolafola, ipu malamalama, se laulau talafeagai ma se ie ufi laulau e tatau ona muaʻi aumai i le maota ma faatulaga lelei.

◼ E tatau ona matuā faamamā lelei muamua le Maota o le Malo po o se isi fale o le a faaaogā i le sauniga.

◼ E tatau ona muaʻi filifilia le ʻautautua ma i latou e tufaina le areto ma le uaina ma faatonu lelei e uiga i o latou tiute ma le taualumaga saʻo.

◼ E tatau ona faia se fuafuaga i le tufaina atu o le areto ma le uaina i nisi o le vaega faauuina o ē e lē o atoatoa le malosi ma ē e lē o mafai ona auai.

◼ Pe afai e sili atu i le tasi le faapotopotoga e faaaogāina le Maota o le Malo e tasi, e tatau lava ona felagolagomaʻi lelei ia faapotopotoga ina ia ʻalofia le soona tumutumu vale i le faitotoʻa e ulufale atu ai, i le auala ma le mea e paka ai taavale.