Suesuega Tautusi a le Faapotopotoga

Faasologa mo suesuega a le faapotopotoga i le tusi, Faaaliga—Ua Latalata Lona Tumutumuga Matagofie!

Mai: E oo i le:

Novema 2: itu. 103, ¶13 itu. 107, ¶9

Novema 9: itu. 107, ¶10 itu. 110, ¶20

Novema 16: itu. 110, ¶21 itu. 112, ¶30

Novema 23: itu. 113, ¶1 itu. 117, ¶13

Novema 30: itu. 118, ¶14 itu. 120, ¶5

Lipoti o le Auaunaga mo Aokuso

Aofaʻi o:

Itula Mekasini Toe Asiga Suʻesuʻega

Atunuu

Amerika Samoa 1 15 12 164 11.5 12.2 3.5 .7 192

Samoa i Sisifo 5 38 26 319 13.0 14.7 4.0 .6 388

Toelau - - - 5 7.4 11.4 5.4 .4 5

Toga 5 13 5 78 12.0 29.7 4.5 1.1 101

AOFAI 11 66 43 566 686

Faasilasilaga

◼ Lomiga mo le ofo ia Novema: Le Poto e Taʻitaʻia ai i le Ola e Faavavau, po o le E Mafai ona E Ola e Faavavau i Parataiso i Le Lalolagi. Tesema: Laʻu Tusi o Tala o Le Tusi Paia. Ianuari: So o se tusi o tusi nei: “Ia Oo mai Lou Malo,” Autasia i le Tapuaiga i le Atua Moni e Toatasi, Lou Talavou—Mauaina mai ai Aogā Silisili, Faia o Lou Olaga Faaleaiga ia Fiafia, po o so o se tusi tuai e 192 itulau atonu o loo iai pea i le faapotopotoga. O faapotopotoga e lē o iai ni a latou tusi faapena e mafai ona ofo le tusi, E Mafai ona E Ola e Faavavau i Parataiso i Le Lalolagi. Fepuari: Le Ala e Maua ai le Fiafia i le Aiga.

◼ I tausaga talu ai nei e oo mai i aso nei, ua sili atu ona faateleina ai avanoa e faimalaga atu ai i isi atunuu. Ona o na avanoa, e toatele ai o tatou uso ma tuafāfine ua fuafua e asiasi atu i isi atunuu. Ua lē aunoa pea ona latou faafesootai mai ofisa o lālā o le Sosaiete e fesili mai mo ni faamatalaga. E fiafia lava ofisa o lālā e saunia tuatusi o nofoaga o Maota o le Malo ma taimi o sauniga e fesoasoani ai e faafesootaia faapotopotoga i na atunuu. E mafai foi ona latou tuuina atu taiala e uiga i asiasiga i le ofisa o le lālā. Ae peitai, ua faaalia i lipoti le tele o isi tagata ua talosaga atu e uiga i fuafuaga mo faigamalaga, potu e nonofo ai, nofoaga mo maimoaga, ma isi mea faapena. E lei fuafuaina ofisa o lālā ma e leai foi so latou taimi e tuuina atu ai na ituaiga o faamatalaga. Ua faalaeiauina tagata asiasi ina ia faafesootai atu i latou e mafai ona maua mai ai na faamatalaga, e pei o ofisa malaga po o ofisa mo turisi, na e masani ona saunia faamatalaga mo tagata turisi.

Pusa Fesili

◼ Po o talafeagai pea ona faia se suesuega faale-Tusi Paia i le aiga ma se uso po o se tuafafine ua lē o toe talaʻi, e tusa ai o se faatonuga mai se tasi o sui o le Komiti o le Auaunaga a le Faapotopotoga?

Ua iai i toeaina le tiute tauave ina ia leoleoina le faapotopotoga, e aofia ai so o se tasi ua amata ona lē toe talaʻi. Latou te asiasi atu i na tagata ma iloa ai po o le ā se fesoasoani totino e manaomia i ai. Pe a talafeagai, e mafai ona faaaofia ai i lenei mea le ofoina atu i le tagata ua lē o toe talaʻi le aogā o le faia o sana suesuega totino faale-Tusi Paia. I le tusi Organized to Accomplish Our Ministry, itulau 103, ua faamatala ai faapea, o le a filifili le Komiti o le Auaunaga a le Faapotopotoga po o ai e ono aogā i ai lena sauniuniga.

O le ovasia o le auaunaga na te filifilia po o ai se tasi e sili ona lelei na te avatuina le fesoasoani, o ā mataupu e tatau ona suesueina, ma o lē fea lomiga o le a sili ona aogā pe a faaaogā. Atonu po o lē na suesue muamua ma le tagata lea po o se tasi foi na te iloaina ma faaaloalo i ai, o le a lelei mo le avatuina o le fesoasoani. Atonu e talosagaina se tuafafine agavaa ma taʻumatuaina e fesoasoani atu i le tuafafine lea ua lē o toe talaʻi. E masani lava e lē talafeagai mo se isi tagata talaʻi ona ō atu faatasi ma lē ua tofia e faia le suesuega. Pe afai ua tofia, e mafai e le tagata talaʻi lea na te faia le suesuega ona faitau le taimi, o toe asiga, ma le suesuega.—Tagai i La Tatou Faiva o le Malo, Novema 1987, itulau 1, 3.

Talu ai o le tagata suesue o se tagata ua uma ona papatiso, e masani la ona lē manaomia le faaauauina o le suesuega mo se vaitaimi umi. O le sini ina ia fesoasoani i lē ua lē o toe talaʻi ina ia amata ona toe auai i sauniga uma a le faapotopotoga ma toe avea o se tagata talaʻi e lē aunoa o le tala lelei. O le a tilofaia totoʻa e le ovasia o le auaunaga le agaigai i luma o na suesuega. O le iuga o lenei fesoasoani alofa e tatau ona mafai ai e nei uso ma tuafāfine ona tauamoina a latou lava avega tauave i luma o Ieova, ma oo ina matuā “mauaa ma faavaeina” i le upu moni.—Efe. 3:17; Kala. 6:5.