Faitau Faatasi Ma Lau Fanau

E tusa ai o le faamatalaga a le mekasini o le Veja a Pasili, o fanau a i latou e filigā e faitau tusi e sili atu ona latou faaalia se naunau fiafia i tusi na i lo i latou e leai se faataitaiga faapena o le faitau tusi i le aiga. Na matauina e Martha Hoppe, o se tagata atamai faapitoa i le atiina ae o tamaiti e faapea: “O le faitau faatasi e faamalosia ai le faiā māfana i le va o mātua ma fanau ma e faatagaina ai le tamaitiiti ina ia malamalama lelei i le mea o loo fai mai ai le tusi.”

O le faitauina atu ma le leotele i lau fanau, e te mauaina ai foi le avanoa e taliina ai fesili. E mafai ona outou talanoaina so o se ata o loo iai i le tala. Na faapea mai Hoppe: “O le tele o le malamalama o le tamaitiiti i mea o loo i le tusi, o le tele foi lena o le a faagaee ai lona naunau ina ia sailia na tusi pe a ia manao e faamalieina lona naunau fia iloa.”

E toatele mātua Molimau a Ieova latou te fiafia e faitau faatasi ma a latou fanau. Atonu latou te faitauina tusi e pei o Laʻu Tusi o Tala o Le Tusi Paia, Listening to the Great Teacher, ma Le Tagata Silisili o Ē Uma na Soifua Mai.a O tusi faapenei e lē gata o le a fesoasoani i tamaiti ina ia avea ma ni tagata faitau lelei ae e faalauteleina ai foi lo latou naunau i le tusi aupito sili ona alumia i le lalolagi—le Tusi Paia. O lea la, afai o oe o se matua, ia faataatia se faaaoaoga mo lau fanau e ala i le avea ma tagata faitau tusi maelega o le Afioga a le Atua. (Iosua 1:7, 8) Ae sili ona tāua, ia faaalu se taimi e faitau atu ai ia i latou!

[Faaopoopoga i lalo]